Manoramaonline.com no longer supports Internet Explorer 8 or earlier. Please upgrade your browser.  Learn more »

ഗ്രഹദോഷമകറ്റാൻ വസ്ത്രങ്ങൾ

remedies-for-grahadosha

ഗ്രഹദോഷങ്ങൾ പരിഹരിക്കാൻ വസ്ത്രങ്ങൾക്കും കഴിയുമെന്നു ചിലർ വിശ്വസിക്കുന്നു. ഓരോ കൂറിലും ജനിക്കുന്നവർക്ക് അനുകൂലനിറത്തിലുള്ള വസ്്ത്രങ്ങൾ ഉയർച്ചയുണ്ടാക്കുമെന്നാണ് പറയുന്നത്. അശ്വതിയും ഭരണിയും കാർത്തിക കാൽഭാഗവും ഉൾപ്പെടുന്ന മേടക്കൂറുകാർ ചുവപ്പും മഞ്ഞയും ഉള്ള വസ്ത്രങ്ങൾ ധരിക്കുന്നതു നല്ലതാണ്. ഇടവക്കൂറുകാർ (കാർത്തിക അവസാനത്തെ മുക്കാൽ, രോഹിണി, മകയിരം ആദ്യപകുതി) കറുപ്പും പച്ചയും നീലയും വെള്ളയും നിറങ്ങളുള്ള വസ്ത്രങ്ങൾ ധരിക്കുന്നത് നന്ന്. മകയിരം അവസാനപകുതി, തിരുവാതിര, പുണർതം ആദ്യത്തെ മുക്കാൽ ഭാഗം എന്നീ നക്ഷത്രങ്ങൾ അടങ്ങിയ മിഥുനക്കൂറുകാർ പച്ചയും വെള്ളയും നിറങ്ങളടങ്ങിയ വസ്ത്രങ്ങൾ കൂടുതലായി ധരിക്കുന്നത് നന്ന്.

കർക്കടക്കൂറുകാർക്ക് (പുണർതം ആദ്യത്തെ കാൽഭാഗം, പൂയം, ആയില്യം) ചുവപ്പ്, മഞ്ഞ, ക്രീം, വെളുപ്പ് നിറങ്ങളിലുള്ള വസ്ത്രങ്ങൾ ഗുണം ചെയ്യും.

ചുവന്നതും ഓറഞ്ചുനിറത്തിലുള്ളതും കാവിനിറത്തിലുള്ളതുമായ വസ്ത്രങ്ങളാണു ചിങ്ങക്കൂറുകാർക്കു (മകം, പൂരം, ഉത്രം, ആദ്യത്തെ കാൽഭാഗം) കൂടുതൽ നല്ലത്. കന്നിക്കൂറുകാർക്ക് (ഉത്രം അവസാനത്തെ മുക്കാൽ ഭാഗം, അത്തം, ചിത്തിര ആദ്യപകുതി) പച്ചയും വെള്ളയും കൂടുതൽ ഗുണം ചെയ്യും.

തുലാക്കൂറ്: (ചിത്തിര അവസാനപകുതി, ചോതി, വിശാഖം ആദ്യത്തെ മുക്കാൽ ഭാഗം) ജന്മരാശിയായിട്ടുള്ളവർക്ക് കറുപ്പ്, നീല, പച്ച, വെളുപ്പ് നിറങ്ങൾ നല്ലതാണ്.

തുലാം ശനിയുടെ ഉച്ചരാശിയായതിനാൽ കറുപ്പ് ഈ കൂറുകാർക്കു പ്രത്യേകം നിർദ്ദേശിക്കുന്നുണ്ട്.

വൃശ്ചികക്കൂറിൽ (വിശാഖം അവസാനത്തെ കാൽഭാഗം, അനിഴം, തൃക്കേട്ട) ജനിച്ചവർക്ക് ക്രീം, മഞ്ഞ, ചുവപ്പു നിറങ്ങളും ധനുക്കൂറിൽ (മൂലം, പൂരാടം, ഉത്രാടം ആദ്യത്തെ കാൽഭാഗം) ജനിച്ചവർക്ക് ചുവപ്പ്, മഞ്ഞനിറങ്ങളും ആണു നല്ലതായി പറയപ്പെടുന്നത്.

മകരക്കൂറുകാർക്കും (ഉത്രാടം അവസാനത്തെ മുക്കാൽഭാഗം, തിരുവോണം, അവിട്ടം പകുതി) കുംഭക്കൂറുകാർക്കും (അവിട്ടം അവസാനപകുതി, ചതയം, പൂരുരുട്ടാതി ആദ്യത്തെ മുക്കാൽഭാഗം) നീല, വെള്ള, കറുപ്പ് നിറങ്ങളാണു കൂടുതൽ നല്ലതായി പറയുന്നത്. മകരവും കുംഭവും ശനിയുടെ സ്വക്ഷേത്രങ്ങളായതിനാലാണിത്.

മീനക്കൂറിൽ (പൂരുരുട്ടാതി അവസാനത്തെ കാൽഭാഗം, ഉത്തൃട്ടാതി, രേവതി) ജനിച്ചവർക്ക് മഞ്ഞയും ചുവപ്പും ക്രീമും നിറത്തിലുള്ള വസ്ത്രങ്ങൾ നല്ലതാണ്.

ഏഴരശനി, കണ്ടകശനി, ജന്മശനി തുടങ്ങിയ ശനിദോഷകാലങ്ങളിൽ കറുപ്പ്, നീല എന്നീ നിറങ്ങൾ കൂടുതലുള്ള വസ്ത്രങ്ങൾ ധരിക്കുന്നത് നല്ലതാണെന്നും പറയുന്നു.

Your Rating:

Disclaimer

ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.