Manoramaonline.com no longer supports Internet Explorer 8 or earlier. Please upgrade your browser.  Learn more »

പ്ലസ് ടു കഴിഞ്ഞാൽ എന്ത്? ജ്യോതിഷ അവലോകനം

after-plus-two

പത്തു പതിനഞ്ചു വർഷം മുൻപു വരെ എങ്ങനെയെങ്കിലും സ്വന്തം മകന് അല്ലെങ്കിൽ മകൾക്ക് ഒരു സർക്കാർ ജോലി സംഘടിപ്പിക്കുക എന്നതായിരുന്നു മാതാപിതാക്കളുടെ പ്രധാന ആഗ്രഹം. എൻജിനീയറിങ് അല്ലെങ്കിൽ എംബിബിഎസ് പാസായാലും സർക്കാർ വേതനം എന്നതു നിർബന്ധമായിരുന്നു. ഇന്നു കാലം മാറി. മിടുക്കൻമാരെ കോഴ്സ് പാസാകുന്നതിനു മുൻപു തന്നെ വ്യവസായ ഭീമന്മാർ പ്രലോഭിപ്പിച്ച് അവരുടെ സ്ഥാപനത്തിൽ ജോലി കൊടുക്കുകയാണ്. ഈ മിടുക്കൻമാർ തന്നെ ചുരുങ്ങിയ വർഷങ്ങൾക്കകം സ്വന്തം മിടുക്കിനു വിലയിടുകയും കൂടിയ ശമ്പളത്തിനും സ്ഥാനങ്ങൾക്കും വേണ്ടി വില പേശുകയും ചെയ്യുന്നു. അതേ സമയം ഒരു വിഷയത്തിൽ ബിരുദാനന്തര ബിരുദമെടുക്കുകയും വേറൊരു തൊഴിൽ ചെയ്യുകയും ചെയ്യുന്ന എത്രയോ പേരെ ചുറ്റും കാണാൻ കഴിയും. എൻജിനിയറിങ് ബിരുദധാരി ക്ലാർക്ക് പണി ചെയ്യുന്നതും ഡോക്ടർ ഐഎഎസ് ആകുന്നതും വേറെ ചിലർ ബിസിനസ് ചെയ്യുന്നതുമൊക്കെ നമ്മുടെ ചുറ്റും കാണുന്നു.

പണ്ടുകാലത്ത് വളരെ കുറച്ച് തൊഴിലുകളേ ഉണ്ടായിരുന്നുള്ളൂ. ഒരു ചെറിയ രാജ്യം. അതിൽ ഒരു രാജാവ്, ഭരണകാര്യം നോക്കാൻ മന്ത്രി, മന്ത്രിയെ സഹായിക്കാനും കരം പിരിക്കാനുമായി കുറച്ച് ഉദ്യോഗസ്ഥർ, ഒരു ഉപദേഷ്ടാവ്, രാജ്യം കാത്തു സൂക്ഷിക്കാനായി ഒരു സൈന്യാധിപന്റെ നേതൃത്വത്തിൽ കുറച്ചു പടയാളികൾ, ജനങ്ങൾക്കാവശ്യമായ സംഗതികൾ ശേഖരിച്ചു കൊടുക്കാൻ കച്ചവടക്കാർ, ഒരു വൈദ്യൻ, ബാക്കിയുള്ളവർ മേൽപ്പറഞ്ഞ വിഭാഗങ്ങൾക്ക് ആവശ്യമായ സഹായം ചെയ്തു കൊടുക്കുന്ന സേവകരും കൃഷിക്കാരുമാണ്. അങ്ങനെ വിരലിലെണ്ണാവുന്ന തൊഴിലുകൾ മാത്രം. പിന്നീട് ജനാധിപത്യം വന്നു. ഒരു രാജാവിനു പകരം അധികാരമുള്ള ധാരാളം പേർ വന്നു. ജനങ്ങളുടെ ആവശ്യം കൂടി. ആഡംബരം കൂടി, വൈവിധ്യമുള്ള തൊഴിലുകൾ സൃഷ്ടിക്കപ്പെട്ടു. ശരീരഭാഗത്തിന്റെ ഓരോ അവയവത്തിനും വെവ്വേറെ സ്പെഷ്യലിസ്റ്റ് ഡോക്ടർമാർ ആവശ്യമായി വന്നു. അവരെ സൃഷ്ടിക്കാൻ ധാരാളം മെഡിക്കൽ കോളജുകൾú ഉണ്ടായി. കംപ്യൂട്ടർ രംഗത്തു വന്നപ്പോൾ തൊഴിലുകളുടെ പേരു തന്നെ മാറി. മാതാപിതാക്കൾക്ക് ആശങ്കയായി. തന്റെ കുഞ്ഞിനെ എന്താണു പഠിപ്പിക്കേണ്ടത്. ഇവിടെയാണു ജ്യോതിഷത്തിന്റെ പ്രസക്തി.

ജ്യോതിഷപരമായി ചിന്തിച്ചാൽ ഓരോ നക്ഷത്രത്തിലും അഥവാ രാശിയിലും ജനിക്കുന്നവർ എന്തു തൊഴിലായിരിക്കും അവർ ഉപജീവനത്തിന് വേണ്ടി ചെയ്യുന്നത് എന്നു മനസ്സിലാക്കാൻ ഏകദേശം കഴിയും. ഓരോ രാശിക്കാർക്കും ജ്യോതിഷത്തിൽ പറഞ്ഞിട്ടുള്ള തൊഴിലും അതിനവർ തിരഞ്ഞെടുക്കേണ്ട ആധുനിക വിദ്യാഭ്യാസത്തെയും വിഷയങ്ങളെയും കുറിച്ച് ഒരു പഠനമാണ് താഴെ കൊടുക്കുന്നത്.

മേടക്കൂറുകാർ (അശ്വതി, ഭരണി, കാർത്തിക ആദ്യ 15 നാഴിക)

മേടം അഗ്നിരാശിയും ചരരാശിയുമാണ്. അധിപൻ ചൊവ്വ ബലവാനും സാഹസികനുമാണ്. അതിനാൽ സാഹസികത, ഊർജസ്വലത, ധൈര്യം, വേഗം, സഞ്ചാരപ്രിയം കൂടാതെ നേതൃത്വപാടവവും അന്വേഷണ താൽപര്യവും ഇവരുടെ പ്രത്യേകതകളാണ്. മേൽപ്പറഞ്ഞ സ്വഭാവങ്ങൾക്കിണങ്ങിയ തൊഴിലുകളാണ് ഇവരെത്തേടി വരുന്നത്. അതിനാൽ ഇവർക്കിണങ്ങുന്ന തൊഴിലുകൾ പൊലീസ്, പട്ടാളം, ഡോക്ടർ, ആയുധം ബന്ധപ്പെട്ട തൊഴിലുകൾ, ഇലക്ട്രിക് സാധനങ്ങൾ, കെട്ടിടനിർമാണം, ആനിമൽ ഹസ്ബൻഡറി, ബാങ്കിങ്, ഫോട്ടോഗ്രാഫി, ട്രാവൽ ആൻഡ് ടൂറിസം, മെക്കാനിക്കൽ എൻജിനിയറിങ്, യന്ത്രങ്ങൾ തുടങ്ങിയവയുമായി ബന്ധപ്പെട്ട വിൽപന അഥവാ ഫാക്ടറി എന്നിവയാണ്.

മേടം രാശിക്കാർക്ക് ചേരുന്ന സ്പെഷ്യലൈസ്ഡ് കോഴ്സുകൾ ഇവയാണ്. മറൈൻ ജിയോളജി, ഫോറസ്ട്രി ആൻ്ഡ് വേസ്റ്റ് മാനേജ്മെന്റ്, ട്രാവൽ ആൻഡ് ടൂറിസം, മെക്കാട്രോണിക്സ്, മെക്കാനിക്കൽ എൻജിനിയറിങ്, സിവിൽ എൻജിനിയറിങ്, ഇൻഡസ്ട്രിയൽ മൈക്രോ ബയോളജി, മെക്കാനിക്കൽ ടൈപ്പ് തൊഴിലുകളായ സാങ്കേതിക മേഖല, കംപ്യൂട്ടർ ഹാർഡ് വെയർ, മെഷീൻ കോഴ്സുകൾ മറൈൻ ജിയോഫിസിക്സ്, ബയോമെഡിക്കൽസ്, മെറ്റീരിയൽ മാനേജ്മെന്റ്, ഓട്ടോമൊബൈൽ എൻജിനിയറിങ്, ഒപ്റ്റോ ഇലക്ട്രോണിക്സ്, ലേസർ ടെക്നോളജി, പോളിമർ ടെക്നോളജി, റബർ ടെക്നോളജി തുടങ്ങിയവ

ഇടവക്കൂറുകാർ (കാർത്തിക അവസാന 45 നാഴിക, രോഹിണി, മകയിരം ആദ്യ 30 നാഴിക)

ശുക്രൻ അധിപനായുള്ള എടവം രാശിക്കാർ സ്ഥിരത ആഗ്രഹിക്കുന്നവരാണ്. കൂടാതെ വളരെ പ്രായോഗികമായി ചിന്തിക്കുന്നവരും കാര്യങ്ങൾക്ക് അടുക്കും ചിട്ടയും വേണമെന്ന് നിർബന്ധമുള്ളവരുമാകയാൽ ഭരണപരമായ രംഗങ്ങളിൽ (സിവിൽ സർവീസ്) ശോഭിക്കാറുണ്ട്. ഭൂമിയുമായി ബന്ധപ്പെട്ട കൃഷി, റിയൽ എസ്റ്റേറ്റ്, സിമിന്റ്, സിവിൽ എൻജിനിയറിങ്, പൂന്തോട്ടം, നഴ്സറി എന്നിവയിലും പണമിടപാട് സ്ഥാപനങ്ങൾ, ആഡംബര വസ്തുക്കൾ, കലയുമായി ബന്ധപ്പെട്ട സ്ഥാപനങ്ങൾ, ചൂതാട്ട കേന്ദ്രങ്ങൾ, ഹോട്ടൽ ബിസിനസ് തുടങ്ങിയ മേഖലകളിലും ഇക്കൂട്ടർ കഴിവു തെളിയിക്കും.

ഇടവം രാശിക്കാർ സ്പെഷ്യലൈസ്ഡ് ആയ തൊഴിലുകളിലും ശോഭിക്കും. അതിലേക്കായി ചില പുതിയ കോഴ്സുകളായ കംപ്യൂട്ടർ ആപ്ലിക്കേഷൻസ്, ബയോ ടെക്നോളജി, അനിമേഷൻ ആൻഡ് ഗ്രാഫിക് ഡിസൈനിങ്, എയർഹോസ്റ്റസ്, ബോട്ടണി/ ജെനറ്റിക്സ് പ്ലാന്റ് ബ്രീഡിങ്, അക്വാ കൾച്ചർ ആൻഡ് ഫിഷർ മൈക്രോ ബയോളജി, പ്ലാന്റ് സയൻസ് ആൻഡ് ഇൻഡസ്ട്രിയൽ കാറ്റലിസ്റ്റ്, ഡയറി ആൻഡ് അഗ്രികർച്ചർ, ഹോർട്ടിക്കൾച്ചർ, ഹോസ്പിറ്റാലിറ്റി മാനേജ്മെന്റ്, ഇന്റീരിയർ ആൻഡ് എക്സ്റ്റീരിയർ ഡിസൈൻ എൻജിനിയറിങ്, കേറ്ററിങ് ആൻഡ് ഹോട്ടൽ മാനേജ്മെന്റ്, കോർപറേറ്റ് സെക്രട്ടറിഷിപ്പ്, ഫാഷൻ ടെക്നോളജി, ഫുഡ് പ്രോസസിങ് എൻജിനിയറിങ്, കെമിക്കൽ എൻജിനിയറിങ്, മിനറൽ എൻജിനിയറിങ് തുടങ്ങിയ കോഴ്സുകളും തിരഞ്ഞെടുക്കാവുന്നതാണ്.

മിഥുനക്കൂറുകാർ (മകയിരം അവസാന 30 നാഴിക, തിരുവാതിര, പുണർതം ആദ്യ 45 നാഴിക)

മിഥുനം രാശിക്ക് ദൈവത്തിന്റെ ദൂതനായ ബുധന്റെ രാശി എന്നീ പ്രത്യേകതയുണ്ട്. അതുകൊണ്ട് തൊഴിൽ, ദൂത് അല്ലെങ്കിൽ സന്ദേശം(കമ്യൂണിക്കേഷൻസ്) സംസാരം, എഴുത്ത്, യാത്രകൾ, ആകാശം എന്നിവയുമായി ബന്ധപ്പെടണമെന്നാണ്. അതിനാൽ ഇവർക്ക് ചേർന്ന തൊഴിൽ കമ്യൂണിക്കേഷൻസ്, അധ്യാപനം, ടെലികമ്യൂണിക്കേഷൻസ്, എൻജിനിയറിങ്. ഓഡിറ്റർ, സാഹിത്യകാരന്മാർ, പുസ്തപ്രസാദകർ, വക്കീലന്മാർ, സെയിൽസ് റപ്രസെന്റേറ്റീവ്സ്, ഉപദേശകർ, പൈലറ്റുമാർ, വക്കീൽ, പരസ്യകല തുടങ്ങിയവയാണ് കൂടുതലായി മാനേജ്മെന്റ് കൺസൾട്ടൻസി, അധ്യാപനം എന്നീ രംഗത്ത് ശോഭിക്കുന്നതായി കണ്ടുവരുന്നു. സർക്കാർ സർവീസിനെക്കാളും ഇക്കൂട്ടർ ഇഷ്ടപ്പെടുന്നത് ബിസിനസ് ആണ്.

കൂടുതൽ പേരും ഒന്നിൽ കൂടുതൽ രംഗങ്ങളിൽ ശോഭിക്കാറുണ്ട്. കൂടാതെ പുതുതായി വരുന്ന ഏത് ടെക്നോളജിയെക്കുറിച്ചും പഠിക്കാനും അത് പ്രയോഗത്തിൽ വരുത്താനും ഇക്കൂട്ടർക്ക് വലിയ ഉത്സാഹമായിരിക്കും. അതിനാൽ സ്പെഷ്യലൈസ്ഡ് ആയ തൊഴിലുകളിലും ഇവർ ശോഭിക്കും. അതിലേക്കായി ചില പുതിയ കോഴ്സുകളായ റോബോട്ടിക്സ്, ഫോട്ടോണിക്സ്, മെക്കാട്രോണിക്സ്, നാനോ ടെക്നോളജി, റെസ്പ്പിറേറ്ററി തെറാപ്പി ടെക്നോളജി, ഏവിയേഷൻ കോഴ്സുകൾ, ബയോഇൻഫർമാറ്റിക്സ്, എയർഹോസ്റ്റസ് ഇന്റർനാഷണൽ ബിസിനസ്, സോഷ്യൽ വർക്ക്, മാസ് കമ്മ്യൂണിക്കേഷൻസ് തുടങ്ങിയവയും ഇവർക്ക് ശ്രമിക്കാവുന്നതാണ്.

കർക്കടകക്കൂറുകാർ (പുണർതം അവസാന 15 നാഴിക, പൂയം, ആയില്യം)

തൊഴിൽപരമായി ചിന്തിക്കുകയാണെങ്കിൽ ജീവിതത്തിന്റെ പല മേഖലയിലും ഇവരെ കാണാം. ജലരാശിയായ കർക്കടകത്തിന്റെ നാഥൻ മനഃകാരകനായ ചന്ദ്രനാണ്. മറ്റുള്ളവർ എന്താണു ചിന്തിക്കുന്നത് എന്ന് അറിയാനുള്ള ആകാംക്ഷ ഇവരെ പത്രപ്രവർത്തനം, രാഷ്ട്രീയം, എഴുത്തുകാർ, കസ്റ്റമർകെയർ, പബ്ലിക് റിലേഷൻ, മാർക്കറ്റിങ് എന്നീ തൊഴിൽ മേഖലയിലെത്തിക്കും. ഇവരുടെ കുടുംബ സ്നേഹവും ആഹാരപ്രിയത്വവും ഇവരെ നഴ്സിങ്, പാചകം, ഹോട്ടൽ, ബിസിനസ്, ഇന്റീരിയർ ഡെക്കറേഷൻ തുടങ്ങിയ മേഖലകളിലും ഇവരുടെ ജലത്തിനോടുള്ള താൽപര്യം നേവി, കപ്പൽ, പാൽ കച്ചവടം, മദ്യം, സഞ്ചാരം തുടങ്ങിയവയിലും എത്തിക്കും. രാശിക്ക് വ്യാഴബന്ധമുണ്ടെങ്കിൽ ഡോക്ടറായും ഇവരെ കാണാൻ സാധിക്കും.

കർക്കടകം രാശിക്കാർക്ക് തിരഞ്ഞെടുക്കാവുന്ന ചില സ്പെഷ്യലൈസ്ഡ് കോഴ്സുകൾ ഇവയാണ്. പെർഫ്യൂഷൻ ടെക്നോളജി, ഇൻഡസ്ട്രിയൽ മൈക്രോബയോളജി, എയർഹോസ്റ്റസ്, കേറ്ററിങ് ആൻഡ് ഹോട്ടൽ മാനേജ്മെന്റ്, കോർപ്പറേറ്റ് സെക്രട്ടറിഷിപ്പ്, ഫാഷൻ ടെക്നോളജി, ഫുഡ് പ്രൊസസിങ് എൻജിനിയറിങ്, ലൈബ്രറി സയൻസ്, സോഷ്യൽ വർക്ക്, എയറോനോട്ടിക്കൽ, ഡയറ്റീഷ്യൻ കോഴ്സ്, ഹൈഡ്രാളിക് എൻജിനിയറിങ്, മറൈൻ എൻജിനിയറിങ്, സൈക്കോളജി, ബയോ മെഡിക്കൽ എൻജിനിയറിങ് തുടങ്ങിയവയാണ്.

ചിങ്ങക്കൂറുകാർ (മകം, പൂരം ഉത്രം ആദ്യ 15 നാഴിക)

ചിങ്ങം രാശിക്കാരുടെ തൊഴിലിനെപ്പറ്റി ചിന്തിക്കാം. അഗ്നി രാശി സ്വഭാവം സാഹസികതയെയും സ്ഥിര രാശിസ്വഭാവം സ്ഥിരതയെയും രാശിനാഥനായ സൂര്യൻ പ്രതാപത്തെയും സർക്കാർ ബന്ധത്തെയും കാണിക്കുന്നതിനാൽ ആരുടെയും കീഴിൽ തൊഴിൽ ചെയ്യാൻ ഇക്കൂട്ടർക്കു മടിയാണ്. ഇവരെ പട്ടാളത്തിലെ ഉയർന്ന തലത്തിലോ, ഓഫിസ് മേധാവികളായോ, പർവതാരോഹണ പ്രിയരായോ കമ്പനികളിലെ ഉയർന്ന മാനേജർ തസ്തികകളിലോ കാണാൻ സാധിക്കും. കൂടാതെ വനപാലകർ, കൃഷിക്കാർ, ഊഹക്കച്ചവടക്കാർ, പാട്ടുകാർ, അഭിനേതാക്കൾ, ക്രിമിനൽ വക്കീൽ, ജ്വല്ലറി, സർജൻ, ആയുധവുമായി ബന്ധപ്പെട്ട തൊഴിൽ, പുരാവസ്തു, കായികാഭ്യാസം, ആനിമൽ ഹസ്ബൻഡറി, കെട്ടിടനിർമാണം, ഫർണിച്ചർ, ഓഹരി വിപണി, ഓഡിറ്റേഴ്സ്, നയതന്ത്രപ്രധിനിധികൾ തുടങ്ങിയ രംഗത്തും കാണാവുന്നതാണ്.

ചിങ്ങം രാശിക്കാർക്ക് ഇണങ്ങുന്ന സ്പെഷ്യലൈസ്ഡ് മേഖലകൾ ഇവയാണ്. ഇൻഡസ്ട്രിയൽ മൈക്രോബയോളജി, സോഷ്യൽ വർക്ക്, ഹോട്ടൽ മാനേജ്മെന്റ്, കോർപ്പറേറ്റ് സെക്രട്ടറിഷിപ്പ്, ഫാഷൻ ടെക്നോളജി, റബർ ടെക്നോളജി, ബോട്ടണി/ ജെനറ്റിക്സ് പ്ലാന്റ് ബ്രീഡിങ്, പ്ലാന്റ് സയൻസ് ആൻഡ് ഇൻഡസ്ട്രിയൽ കാറ്റലിസ്റ്റ്, ഡയറി ആൻഡ് അഗ്രികൾച്ചർ, എൻവയൺമെന്റൽ സയൻസ്, അറ്റ്മോസ്ഫിയറിക് ക്ലൈമറ്റ് റിസർച്ച്, ഹോർട്ടിക്കൾച്ചർ ഫോറസ്ട്രി ആൻഡ് വേസ്റ്റ് മാനേജ്മെന്റ്, മെക്കാനിക്കൽ എൻജിനിയറിങ്, സിവിൽ സർവീസ് തുടങ്ങിയവ.

കന്നിക്കൂറുകാർ (ഉത്രം അവസാന 45 നാഴിക, അത്തം, ചിത്തിര ആദ്യ 30 നാഴിക)

തൊഴിൽ പരമായി ചിന്തിക്കുകയാണെങ്കിൽ ബുധന്റെ സ്വാധീനം ഇവരെ ചിന്തകർ, സാഹിത്യകാരന്മാർ, ഭാഷാവൈദഗ്ധ്യം ഉള്ളവർ, അധ്യാപകർ, ലൈബ്രേറിയൻ, ഗവേഷകർ, സിവിൽ എൻജിനിയറിങ്, സർവേയർ, ബാങ്കർ, ജ്യോതിഷം, ഓഡിറ്റർ, പ്രസംഗകർ, ഫാഷൻ ഡിസൈനേഴ്സ്, സെയിൽ റെപ്രസെന്റിവ്സ്, ഗായകർ, പേപ്പർ ഡിലേഴ്സ്, കംപ്യൂട്ടർ സോഫ്റ്റ് വെയർ വിദഗ്ധർ, മിമിക്രി നടൻമാർ, ടെലിഫോൺ ഓപ്പറേറ്റേഴ്സ്, പത്രപ്രവർത്തകർ തുടങ്ങിയ മേഖലകളിലും ഇവരുടെ എന്തും കണ്ടുപിടിക്കാനുള്ള കഴിവ് ചാർട്ടേഡ് അക്കൗണ്ടന്റ്, പൊലീസ് ഓഫീസർ, കെമിക്കൽ അനലിസ്റ്റ്. ഡോക്ടർ, നഴ്സ് ഗവേഷണം തുടങ്ങിയ മേഖലകളിലും എത്തിക്കുന്നു. കന്നിരാശി ഭൂമി രാശിയായതിനാൽ ഇവർക്ക് കൃഷിയോടും താൽപര്യം കൂടും.

കന്നി രാശിക്കാർക്ക് ഇണങ്ങുന്ന സ്പെഷ്യലൈസ്ഡ് മേഖലകൾ ഇവയാണ്. കംപ്യൂട്ടർ ആപ്ലിക്കേഷൻസ്, ബയോ ടെക്നോളജി, അനിമേഷൻ ആൻഡ് ഗ്രാഫിക് ഡിസൈനിങ്, റോബോട്ടിക്സ്, നാനോ ടെക്നോളജി, ബയോഇൻഫർമാറ്റിക്സ്, പ്രോഗ്രാമിങ്, റബർ/ ജെനറ്റിക്സ് പ്ലാന്റ് ബ്രീഡിങ്, ഡയറി ആൻഡ് അഗ്രികൾച്ചർ, എൻവയൺമെന്റൽ സയൻസ്, റെസ്പ്പിറേറ്ററി തെറപ്പി ടെക്നോളജി, ഹോസ്പ്പിറ്റാലിറ്റി മാനേജ്മെന്റ്, ഇന്റർനാഷനൽ ബിസിനസ്, ബാങ്കിങ്, ഫോറൻസിക് സയൻസ് തുടങ്ങിയവ.

തുലാക്കൂറുകാർ (ചിത്തിര അവസാന 30 നാഴിക, ചോതി, വിശാഖം ആദ്യം 45 നാഴിക)

തുലാം വായു രാശിയായതിനാൽ ചിന്തകരും സംസാരപ്രിയരും ആയും ചരരാശി ആയതിനാൽ ചലനം, ആവേശം, റിസ്ക് എടുക്കാനുള്ള പ്രവണത, യാത്രാഭ്രമം എന്നിവയും ശുക്രന്റെ രാശിയായതിനാൽ കലാവാസന, ഇന്റീരിയർ ഡെക്കറേഷൻ തുടങ്ങിയ തൊഴിലുംമേൽ പറഞ്ഞ കാര്യങ്ങൾ ചേർത്തു ചിന്തിക്കുമ്പോൾ വക്കീൽ, ജഡ്ജി, സാഹിത്യകാർ, പ്രാസംഗികർ, ഇടനിലക്കാർ, വ്യവസായികൾ, സിനിമ, സംഗീതം, അഭിനയം, എൻജിനിയർ, ബാങ്കർ, സർക്കാർ ജോലിക്കാർ, ഫാഷൻ ഡിസൈനേഴ്സ്, മോഡലിങ്, എയർ ഹോസ്റ്റസ്, പൈലറ്റ്, ബ്യൂട്ടീഷ്യൻ തുടങ്ങിയവ ഇവരുടെ തൊഴിൽ മേഖലകളാണ്.

തുലാം രാശിക്കാർക്ക് ഇണങ്ങുന്ന സ്പെഷ്യലൈസ്ഡ് മേഖലകൾ ഇവയാണ്. കംപ്യൂട്ടർ ആപ്ലിക്കേഷൻസ്, അനിമേഷൻ ആൻഡ് ഗ്രാഫിക് ഡിസൈനിങ്, വിഷ്വൽ കമ്യൂണിക്കേഷൻ, മാസ്സ് കമ്യൂണിക്കേഷൻസ്, അനിമേഷൻ എൻജിനിയറിങ്, മൊബൈൽ ടെക്നോളജി, മെഡിക്കൽ ട്രാൻസ്ക്രിപ്ഷൻ, എയർഹോസ്റ്റസ്, കാബൻ ക്രൂ ട്രെയിനിങ്, എയ്റോനോട്ടിക്കൽ, ട്രാവൽ ആൻഡ് ടൂറിസം, ഹോസ്പ്പിറ്റാലിറ്റി മാനേജ്മെന്റ്, ഇന്റീരിയർ ആൻഡ് എക്സ്റ്റീരിയർ ഡിസൈൻ എഞ്ചിനിയറിങ്, സോഷ്യൽ വർക്ക്, കാറ്ററിങ് ആൻഡ് ഹോട്ടൽ മാനേജ്മെന്റ്, ഫാഷൻ ടെക്നോളജി, ഫുഡ് പ്രൊസ്സസിങ് എൻജിനിയറിങ് മറൈൻ എഞ്ചിനിയറിങ് തുടങ്ങിയവ.

വൃശ്ചികക്കൂറുകാർ (വിശാഖം അവസാന 15 നാഴിക, അനിഴം, തൃക്കേട്ട)

ചൊവ്വ നാഥനായുള്ള വൃശ്ചികം സ്ഥിരരാശിയും ജലരാശിയുമാകയാൽ മികച്ച പബ്ലിക് റിലേഷൻ ഓഫിസർ, കപ്പൽ ജോലിക്കാർ, മറൈൻ എൻജിനിയർ, കെമിക്കൽ, പെട്രോളിയം എന്നീ മേഖലകൾ, സർക്കാർ സർവീസ്, മരുന്നുമായി ബന്ധപ്പെട്ടവ. ഡോക്ടേഴ്സ്, നഴ്സുമാർ, രഹസ്യപോലീസ്, ക്രിമിനൽസ്, വിഷം കൈകാര്യം ചെയ്യുന്നവർ, പട്ടാളക്കാർ, ആയുധം, ലോഹം എന്നിവയുമായി ബന്ധപ്പെട്ടവ തുടങ്ങിയവയാണ്.

വൃശ്ചികം രാശിക്കാർക്ക് ഇണങ്ങുന്ന സ്പെഷ്യലൈസ്ഡ് മേഖലകൾ ഇവയാണ്. കംപ്യൂട്ടർ ഹാർഡ് വെയർ, ബയോ ടെക്നോളജി, മറൈൻ ബയോളജി, മറൈൻ എൻജിനിയറിങ്, മറൈൻ ജിയോളജി, മറൈൻ ജിയോഫിസിക്സ്, മാരിടൈം ടെക്നോളജി, മെറ്റീരിയോളജി, ഓഷനോഗ്രാഫി, ഓഷൻ ടെക്നോളജി, അക്വാ കൾച്ചർ ആൻഡ് ഫിഷർ മൈക്രോ ബയോളജി. ന്യൂക്ലിയർ മെഡിസിൻ ടെക്നോളജി, പെർഫ്യൂഷൻ ടെക്നോളജി കെമിക്കൽ എൻജിനീയറിങ് തുടങ്ങിയവയാണ്.

ധനുക്കൂറുകാർ (മൂലം, പൂരാടം, ഉത്രാടം ആദ്യ 15 നാഴിക)

അഗ്നിരാശിയായ ധനുവിന്റെ നാഥൻ വ്യാഴമാണ്. വ്യാഴത്തിന്റെ സാത്വികത്വം പറയുന്നതു നിയമം, അധ്യാപനം തത്വചിന്തകർ, ദേവാലയങ്ങളിലെ തൊഴിൽ, സിവിൽ സർവീസ്, ബാങ്ക് തുടങ്ങിയ ധന സ്ഥാപനങ്ങളുമായി ബന്ധപ്പെട്ടവയും നേതൃത്വം ആവശ്യമുള്ള രാഷ്ട്രീയം, രാഷ്ട്രീയത്തിലെ ഉയർന്ന പദവികൾ, മന്ത്രിമാർ തുടങ്ങിയവയുമാണ്. രാശിസ്വരൂപം യുദ്ധക്കൊതിയാണു കാണിക്കുന്നത്. ആധുനിക ലോകത്ത് അതിനെ യുദ്ധ പോരാളികളായും സ്പോർട്സ് താരങ്ങളായും കണക്കാക്കാം. കൂടാതെ ആയുധം ബന്ധപ്പെട്ട തൊഴിലുകളായും ഉദാഹരണത്തിന് ഡോക്ടർ, പട്ടാളക്കാർ തുടങ്ങിയവർ. ഗവേഷണ തൽപരരായ ഇവർ തൊഴിൽപരമായി പുതിയ മേഖലകൾ കണ്ടെത്തിയെന്നും വരും.

ധനു രാശിക്കാർക്ക് ഇണങ്ങുന്ന സ്പെഷ്യലൈസ്ഡ് മേഖലകൾ ഇവയാണ്. കംപ്യൂട്ടർ ആപ്ലിക്കേഷൻസ്, വിഷ്വൽ കമ്യൂണിക്കേഷൻസ്, ലേസർ ടെക്നോളജി, പോളിമർ ടെക്നോളജി, എൻവയൺമെന്റൽ സയൻസ്, അറ്റ്മോസ്ഫിയറിക് ക്ലൈമറ്റ് റിസർച്ച്, കാർബൺ ഫിനാൻസ്, ക്രിമിനൽ നിയമജ്ഞൻ, ലൈബ്രറി സയൻസ്, സോഷ്യൽ വർക്ക്, ബയോ മെഡിക്കൽ എൻജിനിയറിങ്, മെറ്റീരിയൽ മാനേജ്മെന്റ് ഇൻഡസ്ട്രിയൽ മൈക്രോബയോളജി, ഇലക്ട്രിക്കൽ ആൻഡ് ഇലക്ട്രോണിക്സ് തുടങ്ങിയവ.

മകരക്കൂറുകാർ ( ഉത്രാടം അവസാന 45 നാഴിക, തിരുവോണം, അവിട്ടം ആദ്യ 30 നാഴിക)

ശനി നാഥനായുള്ള മകരം രാശിക്കാർ എവിടെയും നേതൃത്വം വേണമെന്ന ആഗ്രഹക്കാരാണ്. അതിനാൽ വലിയ പ്രോജക്ടുകളുടെ പ്രോജക്ട് ലീഡേഴ്സ് ആയി ഇവരെ കാണാൻ കഴിയും. കൂടാതെ രാഷ്ട്രീയം, ട്രേഡ് യൂണിയൻ എന്നീ രംഗങ്ങളും ഇവർക്കിഷ്ടമാണ്. പത്താം ഭാവനാഥൻ ശുക്രൻ ഇവർക്കു പാരമ്പര്യ സ്വത്ത് നൽകും. അതുകൊണ്ട് വ്യാപാരത്തിൽ വിജയമുണ്ടാക്കാം. ഭാഗ്യാധിപൻ ബുധൻ സ്വാധീനിക്കുകയാണെങ്കിൽ നിയമം, ഗണിതം തുടങ്ങിയ മേഖലകളിലും വിജയിക്കാം. ശനിയുടെ മാത്രം പ്രത്യേകതകളായ മേഖലകൾ മൈനിങ്, ലെതർ, എൻജിനിയറിങ്, കൽക്കരി, സർക്കാർ സർവീസ്, മകരം രാശിക്കായുടെ മേഖലകളായ പ്ലംബിങ്, തടി വ്യാപാരം, റിയൽ എസ്റ്റേറ്റ്, കൃഷി, ഇരുമ്പ് വ്യാപാരം, ഭരണ മേധാവികൾ, സിവിൽ സർവീസ്, ധനവിനിയോഗ മേഖല കൂടാതെ പച്ചക്കറികൾ, പഴ വർഗങ്ങൾ, ഫർണിച്ചർ തുടങ്ങിയ വ്യാപാരം എന്നിവ ഇവർക്കിണങ്ങുന്ന തൊഴിലുകളാണ്.

മകരം രാശിക്കാർക്ക് ഇണങ്ങുന്ന സ്പെഷ്യലൈസ്ഡ് മേഖലകൾ ഇവയാണ്. ബയോ ടെക്നോളജി, മെറ്റീരിയോളജി, എൻവയൺമെന്റൽ സയൻസ്, അറ്റ്മോസ്ഫിയറിക് ക്ലൈമറ്റ് റിസർച്ച്, നഴ്സിങ് സൈക്കോളജി, കോർപ്പറേറ്റ് സെക്രട്ടറിഷിപ്പ്, ജിയോളജി, മിനറൽ എൻജിനിയറിങ് ബയോ എൻജിനിയറിങ്, ഹ്യൂമൺ റിസോഴ്സ്, നഴ്സിങ്, മെക്കാനിക്കൽ ടൈപ്പ് തൊഴിലുകളായ സാങ്കേതിക മേഖലയിലെ പുതിയ കോഴ്സുകൾ.

കുംഭക്കൂറുകാർ (അവിട്ടം അവസാന 30 നാഴിക, ചതയം, പൂരുരുട്ടാതി ആദ്യ 45 നാഴിക)

ശനി നാഥനായുള്ള കുംഭം രാശിക്കാർ സ്ഥിരരാശിയായതിനാൽ സ്ഥിരതയും വായു രാശിയായതിനാൽ സംസാരപ്രിയരും ചിന്തകരായും ശനിയായതിനാൽ കീഴ് ജീവനക്കാരുടെ നേതാവായും മാറാം. പുരാതനമായ കാര്യങ്ങളിൽ തൽപരതയും കൃഷി ബന്ധവും ചിന്തിക്കാം. കൂട്ടായ പ്രവർത്തനങ്ങളുടെ നേതൃത്വം ഇവരെ എൽപ്പിക്കുകയാണെങ്കിൽ വളരെ ഭംഗിയായി കാര്യങ്ങൾ ചെയ്യാൻ മിടുക്കരാണ്. ഇവർ ശാസ്ത്രജ്ഞരായും ചരിത്രഗവേഷകരായും വിജയിക്കുന്നത് നേതൃത്വപാടവം കൊണ്ടാണ്. കൂടാതെ പബ്ലിക് റിലേഷൻ ഓഫീസർ, കൺസൽറ്റന്റ്സ്, ഉപദേശകർ, ബുദ്ധിജീവികൾ, സാഹിത്യകാർ, തത്വചിന്തകർ, കംപ്യൂട്ടർ ഹാർഡ് വെയർ ജോലിക്കാർ, കാർ, വിമാനം എന്നിവയിലെ എൻജിനിയേഴ്സ്, ശാസ്ത്രജ്ഞർ, കൃഷിക്കാർ, ഖനനതൊഴിലാളികൾ, തുകൽ ബന്ധപ്പെട്ട ജോലിക്കാർ അഥവാ വ്യാപാരികൾ തുടങ്ങിയ മേഖലകളിൽ ഇവരെ കാണാവുന്നതാണ്.

കുംഭം രാശിക്കാർക്ക് ഇണങ്ങുന്ന സ്പെഷ്യലൈസ്ഡ് മേഖലകൾ ഇവയാണ്: കംപ്യൂട്ടർ ആപ്ലിക്കേഷൻസ്, മൈക്രോ വേവ് എൻജിനിയങ്, ഡിജിറ്റൽ സിഗ്നൽ പ്രോസസിങ്, റോബോട്ടിക്സ്, നാനോ ടെക്നോളജി, ബയോ ഇൻഫേർമാറ്റിക്സ്, വിഷ്വൽ കമ്യൂണിക്കേഷൻ, എയർഹോസ്റ്റസ്, കാബിൻ ക്രൂ ട്രെയിനിങ്, എയ്റോനോട്ടിക്കൽ, എൻവയൺമെന്റൽ സയൻസ്, അറ്റ്മോസ്ഫിയറിക് ക്ലൈമറ്റ് റിസർച്ച്, എയർപോർട്ട് ആൻഡ് എയർലൈൻ മാനേജ്മെന്റ്, ഏവിയേഷൻ കോഴ്സുകൾ ഇൻഡസ്ട്രിയൽ മൈക്രോബയോളജി തുടങ്ങിയവയാകുന്നു.

മീനക്കൂറുകാർ (പൂരുരുട്ടാതി അവസാന 15 നാഴിക, ഉതൃട്ടാതി, രേവതി)

വ്യാഴന്റെ സ്വാധീനമുള്ള മീനം രാശിക്കാർ ശാരീരികാധ്വാനത്തെക്കാൾ മാനസികമായ അധ്വാനത്തിന് യോഗ്യരാണ്. ചിന്തകരും കലാകാരന്മാരും രഹസ്യ ശാസ്ത്രങ്ങൾ കൈകാര്യം ചെയ്യുന്നവരുമായും ഇവരെ കാണാൻ സാധിക്കും. ജലത്തിനോടുള്ള ഇവരുടെ അഭിനിവേശം ഇവരെ കപ്പൽ സംബന്ധമായ ജോലി, കയറ്റുമതി, നേവി, മറൈൻ എൻജിനിയർ, കള്ളു കച്ചവടം, കെമിക്കൽസ്, പെട്രോളിയം, ഡയറി, പാൽ, കച്ചവടം, ഹോട്ടൽ, തുടങ്ങിയ രംഗങ്ങളിൽ എത്തിക്കും. ഇവരുടെ മറ്റുള്ള മേഖലകൾ അധ്യാപകർ, സെയിൽസ് റെപ്രസന്ററ്റീവ്സ്, പ്രൂഫ് റീഡേഴ്സ്. ഇടനിലക്കാർ, എഴുത്തുകാർ, വക്കീലന്മാർ, ജഡ്ജി, ആശുപത്രി ജീവനക്കാർ, ജയിൽ വാർഡൻ ക്ലബ്, ജീവനക്കാർ തുടങ്ങിയവയാണ്.

മീനം രാശിക്കാർക്ക് ഇണങ്ങുന്ന സ്പെഷ്യലൈസ്ഡ് മേഖലകൾ ഇവയാണ്: കംപ്യൂട്ടർ ആപ്ലിക്കേഷൻസ്, ആനിമേഷൻ ആൻഡ് ഗ്രാഫിക് സിഡൈനിങ്, റോബോട്ടിക്സ്, നാനോ ടെക്നോളജി, ബയോ ഇൻഫർമാറ്റിക്സ്, മറൈൻ ബയോളജി, മറൈൻ എൻജിനിയറിങ്, ഓഷനോഗ്രാഫി, അക്വാ കൾച്ചർ ആൻഡ് ഫിഷർ മൈക്രോ ബയോളജി, പെർഫോർമൻസ് ആർട്ട്, ബയോ മെഡിക്കൽ തുടങ്ങിയവ.

ലേഖകന്റെ വിലാസം:

ശിവറാം ബാബുകുമാർ, പ്രശാന്തി, പേരൂർക്കട, തിരുവനന്തപുരം ഫോൺ- 9847187116 sivaram.babu@yahoo.com

Your Rating:

POST YOUR COMMENTS

In order to prevent misuse of this functionality your IP address is traced

Characters remaining (3000)

Disclaimer 

Fill in your details:

Name :

Email :

Location :

Enter the letters from image :

You have already approved this comment.

You have already marked this comment as offensive

Disclaimer