Manoramaonline.com no longer supports Internet Explorer 8 or earlier. Please upgrade your browser.  Learn more »

പ്രണയഫലം: ഡിസംബർ (25-31)

xmas-love

(2016 ഡിസംബർ 25  മുതൽ 31 വരെ)

മേടക്കൂറ് (അശ്വതിയും ഭരണിയും കാർത്തിക ആദ്യത്തെ കാൽഭാഗവും):

2016 വർഷം വിട പറയുന്ന ഈയാഴ്ച മേടക്കൂറുകാർക്കു പ്രണയകാര്യങ്ങൾ വലിയ കുഴപ്പമില്ലാതെ നടക്കും. എങ്കിലും ചിലരുമായുള്ള സൌഹൃദബന്ധം വിട പറയുന്ന അവസ്ഥയിലെത്താൻ സാധ്യതയുണ്ട്. ചില സമയങ്ങളിൽ മനസ്സിനു സ്വസ്‌ഥത കുറയും. നിസ്സാര കാര്യത്തെപ്പറ്റി അഭിപ്രായവ്യത്യാസമുണ്ടാകാനിടയുണ്ട്. എങ്കിലും നല്ല വാക്കുകളിലൂടെ പ്രണയപങ്കാളിയുടെ മനസ്സു തിരിച്ചുപിടിക്കാൻ കഴിയും. ഉദ്ദേശിക്കുന്ന കാര്യങ്ങളിൽ മിക്കതും നടക്കും. 

ഇടവക്കൂറ് (കാർത്തിക അവസാനത്തെ മുക്കാൽ ഭാഗവും രോഹിണിയും മകയിരത്തിന്റെ ആദ്യപകുതിയും): 

വർഷത്തിന്റെ അവസാനത്തെ ഈയാഴ്‌ച  ഇടവക്കൂറുകാർക്ക് പ്രണയകാര്യങ്ങളിൽ വിചാരിച്ച  കാര്യങ്ങളിൽ കുറെയൊക്കെ നടക്കും. പ്രണയപങ്കാളിയിൽ നിന്നു സ്‌നേഹപൂർണമായ വാക്കും പെരുമാറ്റവും ഉണ്ടാകുന്നില്ലെന്ന തോന്നൽ ചില സമയങ്ങളിൽ ഉണ്ടാകും. എങ്കിലും ദൈവാനുഗ്രഹത്താൽ പ്രണയബന്ധത്തിൽ വലിയ തടസ്സങ്ങളൊന്നും അനുഭവപ്പെടില്ല. ആഴ്‌ചയുടെ മധ്യത്തിനു ശേഷം കാര്യങ്ങൾ കൂടുതൽ അനുകൂലമാകും.

മിഥുനക്കൂറ് (മകയിരത്തിന്റെ അവസാനപകുതിയും തിരുവാതിരയും പുണർതത്തിന്റെ ആദ്യത്തെ മുക്കാൽ ഭാഗവും):

മിഥുനക്കൂറുകാർക്ക്  ശനി അനുകൂലഭാവത്തിലായതിനാൽ ഈയാഴ്‌ച പ്രണയകാര്യങ്ങൾ അനുകൂലമായിരിക്കും.  പ്രണയപങ്കാളിയിൽ നിന്നു സ്‌നേഹപൂർണമായ പെരുമാറ്റം പ്രതീക്ഷിക്കാം. മനസ്സിന്റെ നിയന്ത്രണത്തിലൂടെ സ്വസ്‌ഥതയും സമാധാനവും നിലനിർത്താൻ കഴിയുകയും ചെയ്യും. സുഹൃത്തുക്കളിൽ നിന്നു സഹായസഹകരണങ്ങൾ പ്രതീക്ഷിക്കാം.

കർക്കടകക്കൂറ് (പുണർതത്തിന്റെ അവസാനത്തെ കാൽഭാഗവും പൂയവും ആയില്യവും):

2016 വർഷത്തിലെ അവസാനത്തെ ഈയാഴ്‌ച കർക്കടകക്കൂറുകാർക്ക് പ്രണയകാര്യങ്ങൾ ഗുണദോഷമിശ്രമായിട്ടാണ് അനുഭവപ്പെടുക. എങ്കിലും കഴിഞ്ഞയാഴ്ചത്തേതിനെക്കാൾ നല്ല ഫലങ്ങൾ പ്രതീക്ഷിക്കാം.  ആഴ്‌ചയുടെ പകുതിക്കു ശേഷമുള്ള ദിവസങ്ങളിൽ പ്രതീക്ഷയെക്കാൾ നല്ല രീതിയിൽ കാര്യങ്ങൾ നടക്കും. പുതിയ സൗഹൃദബന്ധങ്ങൾ ആരംഭിക്കാൻ കഴിയും. 

ചിങ്ങക്കൂറ് (മകവും പൂരവും ഉത്രത്തിന്റെ ആദ്യത്തെ കാൽ ഭാവും): 

ഈയാഴ്‌ച  ചിങ്ങക്കൂറുകാർക്കു കഴിഞ്ഞ ആഴ്‌ചത്തേതിനെക്കാൾ നല്ല ഫലങ്ങളാണു പ്രണയകാര്യങ്ങളിൽ അനുഭവപ്പെടുക. പ്രണയപങ്കാളിയിൽ നിന്നു കൂടുതൽ സ്‌നേഹവും സഹകരണവും ഉണ്ടാകും. പ്രണയബന്ധം നല്ല നിലയിൽ മുന്നോട്ടു കൊണ്ടുപോകാൻ കഴിയും. ശരീരസുഖം വീണ്ടെടുക്കാനും സാധിക്കും. 

കന്നിക്കൂറ് (ഉത്രത്തിന്റെ അവസാനത്തെ മുക്കാൽ ഭാഗവും അത്തവും ചിത്തിര ആദ്യത്തെ പകുതിയും):

ഈയാഴ്‌ച  കന്നിക്കൂറുകാർക്ക് ചില ദിവസങ്ങളിൽ പ്രണയകാര്യങ്ങൾ വിചാരിച്ചതുപോലെ നടന്നുകൊള്ളണമെന്നില്ല. എങ്കിലും  ശനി അനുകൂലഭാവത്തിൽ ആയതിനാൽ പ്രതിസന്ധികൾക്കൊന്നും സാധ്യതയില്ല. ആഴ്‌ചയുടെ പകുതിക്കു ശേഷം പ്രണയബന്ധം നല്ല നിലയിൽ മുന്നോട്ടു കൊണ്ടുപോകാൻ കഴിയും. മനസ്സിന്റെ സ്വസ്‌ഥതയും സമാധാനവും നിലനിർത്താൻ കഴിയും.

തുലാക്കൂറ് (ചിത്തിര അവസാനത്തെ പകുതിയും ചോതിയും വിശാഖത്തിന്റെ ആദ്യത്തെ മുക്കാൽ ഭാഗവും):

ഈയാഴ്ച തുലാക്കൂറുകാർക്ക് പ്രണയകാര്യങ്ങളിൽ നല്ല ഫലങ്ങൾ പ്രതീക്ഷിക്കാം. അസൂയാലുക്കളെല്ലാം പിന്മാറും. പ്രണയബന്ധത്തിലെ കല്ലുകടികൾ ഇല്ലാതാകും. ദൈവാനുഗ്രഹം ഉള്ളതിനാൽ പ്രതിസന്ധിയിലൊന്നും പെടില്ല. ഈ കൂറുകാരിൽ ചിലർക്കു പ്രണയപങ്കാളിയോടൊത്തു യാത്ര സാധ്യമാകും. സുഹൃത്തുക്കളിൽ നിന്നു സഹായസഹകരണങ്ങൾ ഉണ്ടാകുകയും ചെയ്യും.

വൃശ്‌ചികക്കൂറ് (വിശാഖത്തിന്റെ അവസാനത്തെ കാൽ ഭാഗവും അനിഴവും തൃക്കേട്ടയും):

ഈയാഴ്ച വൃശ്ചികക്കൂറുകാർക്ക് വ്യാഴം അനുകൂലഭാവത്തിൽ നിൽക്കുന്നതിനാൽ പ്രണയകാര്യങ്ങളിലെ തടസ്സങ്ങളെല്ലാം മാറിക്കിട്ടും. പ്രണയബന്ധത്തിനു കുടുംബത്തിൽ നിന്നു പിന്തുണ ലഭിക്കും. സുഹൃത്തുക്കളിൽ ചിലരുടെ പ്രേരണ മൂലം പ്രണയപങ്കാളിക്കു നിസ്സാര കാര്യത്തെച്ചൊല്ലി സംശയവും തെറ്റിദ്ധാരണയും തോന്നാനും സാധ്യതയുണ്ട്. എങ്കിലും പ്രണയബന്ധം പ്രതിസന്ധിയിൽ പെടുകയൊന്നുമില്ല. ആത്മാർഥമായ സമീപനംതുടരുക.

ധനുക്കൂറ് (മൂലവും പൂരാടവും ഉത്രാടത്തിന്റെ ആദ്യത്തെ കാൽഭാഗവും):

ധനുമാസം പകുതി പിന്നിടുന്ന ഈയാഴ്‌ച  ധനുക്കൂറുകാർക്കു  പ്രണയപങ്കാളിയിൽ നിന്നു കൂടുതൽ സ്നേഹവും സഹകരണവും ഉണ്ടാകും. ഏതു പ്രതിസന്ധിഘട്ടത്തിലും താങ്ങായി ദൈവാനുഗ്രഹം അനുഭവപ്പെടും. പ്രണയ പങ്കാളിയുമായി ഉള്ളു തുറന്നു സംസാരിക്കാൻ അവസരം ലഭിക്കും. മനസ്സിന്റെ സ്വസ്‌ഥത നിലനിർത്താൻ കഴിയും.

മകരക്കൂറ് (ഉത്രാടത്തിന്റെ അവസാനത്തെ മുക്കാൽ ഭാഗവും തിരുവോണവും അവിട്ടത്തിന്റെ ആദ്യപകുതിയും):

മകരക്കൂറുകാർക്ക് ഈയാഴ്ച പ്രണയകാര്യങ്ങളിലെല്ലാം ചെറിയ തോതിൽ മന്ദത അനുഭവപ്പെടുന്നതു പോലെ തോന്നും. എങ്കിലും വലിയ പ്രതിസന്ധികൾ ഉണ്ടാക്കില്ല.  ബുധൻ, വ്യാഴം ദിവസങ്ങളിൽ ചെറിയ തോതിൽ മനസ്സിനു സ്വസ്ഥത കുറയുന്നതു പോലെ തോന്നും. ആഴ്ചയിലെ മറ്റു ദിവസങ്ങളിൽ ചന്ദ്രൻ അനുകൂലഭാവങ്ങളിലൂടെ സഞ്ചരിക്കുന്നതിനാൽ മനസ്സിന്റെ സ്വസ്‌ഥത വീണ്ടെടുക്കാൻ കഴിയും. പ്രണയപങ്കാളിയുമായുള്ള പിണക്കങ്ങളും അഭിപ്രായവ്യത്യാസങ്ങളും തീർക്കാൻ കഴിയും. പുതിയ സൗഹൃദബന്ധങ്ങൾ ആരംഭിക്കാൻ കഴിയും.

കുംഭക്കൂറ് (അവിട്ടത്തിന്റെ അവസാനപകുതിയും ചതയവും പൂരുരുട്ടാതി ആദ്യത്തെ മുക്കാൽ ഭാഗവും): 

ധനുമാസം പകുതി പിന്നിടുന്ന ഈ ആഴ്ച കുംഭക്കൂറുകാർക്കു പ്രണയകാര്യങ്ങൾ കുറെക്കൂടി മെച്ചപ്പെടും. പുതിയ സൗഹൃദബന്ധങ്ങൾ ആരംഭിക്കാൻ കഴിയുകയും ചെയ്യും. പ്രണയപങ്കാളിയുമായി കൂടുതൽ സമയം സംസാരിക്കാൻ അവസരം ലഭിക്കും. സുഹൃത്തുക്കളിൽ നിന്നുള്ള ഗോസിപ്പുകളെയും അപവാദപ്രചാരണങ്ങളെയും നേരിടാൻ കഴിയും.

മീനക്കൂറ് (പൂരുരുട്ടാതിയുടെ അവസാനത്തെ കാൽഭാഗവും ഉത്തൃട്ടാതിയും രേവതിയും):

2016 അവസാനിക്കുന്ന ഈയാഴ്ച മീനക്കൂറുകാർക്കു പ്രണയകാര്യങ്ങളിൽ അനുകൂലമായ ഫലങ്ങളാണ് പ്രതീക്ഷിക്കാവുന്നത്. തടസ്സങ്ങളെയെല്ലാം മറികടക്കാൻ കഴിയും. കാര്യങ്ങൾ വിചാരിച്ചതുപോലെ നടക്കും. മനസ്സിന്റെ സ്വസ്‌ഥതയും സമാധാനവും വീണ്ടെടുക്കാൻ കഴിയും. ആഴ്ചയുടെ മധ്യത്തിൽ രണ്ടു ദിവസം ശരീരസുഖം കുറയും. കൂടുതൽ യാത്ര വേണ്ടിവരികയും ചെയ്യും.

Your Rating:
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.