ഇരുമ്പു പാലത്തിന് സമീപവും മാപ്പാനിക്കുന്നിലും കാർ നിയന്ത്രണം വിട്ട് അപകടം

അടിമാലി ∙ കൊച്ചി– ധനുഷ്കോടി ദേശീയ പാതയിൽ ഇരുമ്പുപാലത്തിനു സമീപം നിയന്ത്രണം വിട്ട കാർ റോഡിൽ നിന്ന് തെന്നിമാറി. അടിമാലി– കൊരങ്ങാട്ടി റോഡിൽ മാപ്പാനി കുന്നിനു സമീപം നിയന്ത്രണം വിട്ട കാർ തിട്ടയിൽ ഇടിച്ചു നിന്നു. വാഹനങ്ങളിൽ ഉണ്ടായിരുന്ന യാത്രക്കാർ നിസ്സാര പരുക്കുകളോടെ രക്ഷപ്പെട്ടു.വൈദ്യുതി പോസ്റ്റും ലൈനും തകർത്താണ് ഇരുമ്പുപാലത്തെ അപകടം.

 നാട്ടുകാരുടെ അവസരോചിതമായ ഇടപെടലും ഈ സമയം മറ്റു വാഹനങ്ങൾ‍ ഇതുവഴി എത്താതിരുന്നതും ആണ് ദുരന്തം ഒഴിവാകാൻ കാരണമായത്. അടിമാലിയിൽ നിന്ന് കൊരങ്ങാട്ടിക്കു പോകും വഴി റോഡിന് സമീപത്തെ മതിലിൽ ഇടിച്ചാണ് മാപ്പാനി കുന്നു ഭാഗത്ത് അപകടം ഉണ്ടായത്.