ഇടുക്കി അണക്കെട്ടിൽ നിന്ന് വെള്ളം തുറന്നു വിടുന്നത് അഞ്ചാം തവണ

1976 ഫെബ്രുവരി 12ന് കമ്മിഷൻ ചെയ്ത ഇടുക്കി അണക്കെട്ടിൽ നിന്ന് വെള്ളം തുറന്നുവിടുന്നത് 5ാം തവണ. 1983 ഒക്ടോബർ 23, 1992 ഒക്ടോബർ 11, 2018 ഓഗസ്റ്റ് 9, ഒക്ടോബർ 6 എന്നീ ദിവസങ്ങളിലാണ് ഇതിനു മുൻപ് ഷട്ടറുകൾ ഉയർത്തിയത്. 4 തവണയും ജലനിരപ്പ് അനുവദനീയ നിരപ്പായ 2,403 അടിക്ക് അടുത്തെത്തിയപ്പോഴാണ് തുറന്നത്. എന്നാൽ ഇന്നലെ ഷട്ടർ ഉയർത്തുമ്പോൾ 2398.12 അടിയാണ് ജലനിരപ്പ്. ഇത് സംഭരണശേഷിയുടെ 94.28 ശതമാനം.