സേവനവഴിയിൽ മാതൃകയായി ഗുഡ് സമരിറ്റൻ ടാസ്ക് ഫോഴ്സ്
Mail This Article
പാലാ ∙ രൂപതയിലെ വിവിധ ഇടവകകളിലും പാലായിലെയും കോട്ടയത്തെയും പൊതു ശ്മശാനങ്ങളിലും നൂറിലേറെ കോവിഡ് സംസ്കാരങ്ങൾക്കു നേതൃത്വം നൽകി പാലാ രൂപത ഗുഡ് സമരിറ്റൻ കോവിഡ് ടാസ്ക് ഫോഴ്സ്. എസ്എംവൈഎമ്മിന്റെ നേതൃത്വത്തിൽ കുടുംബ കൂട്ടായ്മ, എകെസിസി, പിതൃവേദി, വിശ്വാസ പരിശീലന അധ്യാപകർ, സോഷ്യൽ സർവീസ് സൊസൈറ്റി എന്നിവയുടെ സഹകരണത്തോടെ ഒരു വർഷം മുൻപാണ് ഗുഡ് സമരിറ്റൻ കോവിഡ് ടാസ്ക് ഫോഴ്സ് രൂപീകൃതമായത്.
ആരോഗ്യ പ്രവർത്തകർ, പൊലീസ്, ജനപ്രതിനിധികൾ, ഇടവക നേതൃത്വം എന്നിവരുമായി സഹകരിച്ച് കോവിഡ് പ്രോട്ടോക്കോൾ പാലിച്ചാണ് ഗുഡ് സമരിറ്റൻ കോവിഡ് ടാസ്ക് ഫോഴ്സ് പ്രവർത്തിക്കുന്നത്. കോവിഡ് ബാധിതരുടെയും ക്വാറന്റീനിൽ കഴിയുന്നവരുടെയും വീടുകളിൽ ഭക്ഷണം, മരുന്ന് ഉൾപ്പെടെയുള്ള സഹായങ്ങളും എത്തിക്കുന്നുണ്ട്. ഫോഴ്സിന്റെ പ്രവർത്തനങ്ങളോട് സഹകരിക്കാൻ സന്നദ്ധതയുള്ളവർക്ക് ബന്ധപ്പെടാം. 9496542361, 9400274868.