വീട്ടമ്മയെ ആക്രമിച്ച കേസിൽ 2 പേർ അറസ്റ്റിൽ

പാലാ ∙ പൊതുവഴിയിൽ വീട്ടമ്മയെ ആക്രമിച്ച കേസിൽ 2 പേർ അറസ്റ്റിൽ. ളാലം പരുമലക്കുന്ന് കോളനി ഭാഗത്ത് പരുമല ജോജോ ജോർജ് (27), വള്ളിച്ചിറ കൊച്ചുപറമ്പിൽ തോമസ് ജോൺ (റോയി-43) എന്നിവരെയാണ് പൊലീസ് അറസ്റ്റ് ചെയ്തത്. 

വീട്ടമ്മ വാടകയ്ക്ക് താമസിക്കുന്ന വീടിന് അടുത്തുള്ള പൊതുവഴിയിൽ ശനിയാഴ്ചയാണ് സംഭവം. വീട്ടമ്മയുമായി വാക്കുതർക്കമുണ്ടാക്കുകയും അസഭ്യവാക്കുകൾ പറഞ്ഞ് അപമാനിക്കുകയും പിടിച്ചുതള്ളുകയുമായിരുന്നുവെന്ന് പൊലീസ് പറഞ്ഞു. ജില്ലാ പൊലീസ് മേധാവി കെ.കാർത്തിക്കിന്റെ നേതൃത്വത്തിലുള്ള അന്വേഷണസംഘമാണ് പ്രതികളെ പിടികൂടിയത്. സ്റ്റേഷൻ എസ്എച്ച്ഒ കെ.പി.ടോംസൺ, എസ്ഐ അഭിലാഷ്, സിവിൽ പൊലീസ് ഓഫിസർമാരായ ജോഷി, ജോസ് എന്നിവരും അന്വേഷണ സംഘത്തിൽ ഉണ്ടായിരുന്നു.