5.7 കോടിയുടെ ആഡംബര കാരവാൻ നൽകിയില്ല, ഡിസി പറ്റിച്ചു: കേസുകൊടുത്ത് കപിൽ ശർമ

പ്രമുഖ വാഹന ഡിസൈനറായ ദിലീപ് ഛാബ്രിയയ്ക്കെതിരെ മുംബൈ ക്രിമിനൽ ഇന്റലിജൻസ് യൂണിറ്റിന് പരാതി നൽകി പ്രമുഖ കൊമേഡിയൻ കപിൽ ശർമ. കാരവാൻ നിർമിച്ചു നൽകുന്നതിനായി ദിലീപ് ഛാബ്രിയ 5.7 കോടി രൂപ വാങ്ങി വഞ്ചിച്ചു എന്നാണ് കപിൽ നൽകിയ പരാതിയിലുള്ളത്.

മെയ് 2017 നും മെയ് 2018 നും ഇടയിൽ ഡിസിക്ക് 5.3 കോടി രൂപ നൽകിയെന്നും വാഹനം ലഭിക്കാത്തതിനെ തുടർന്ന് 2018 കമ്പനിയെ സമീപിച്ചപ്പോൾ ജിഎസ്ടി അടക്കം 40 ലക്ഷം രൂപ നൽകണമെന്ന് അറിയിച്ചെന്നും ഇതുവരെ വാഹനം നൽകിയില്ലെന്നുമാണ് പരാതിയിൽ. എന്നാൽ വാഹനത്തിന്റെ 90 ശതമാനം പണികളും കഴിഞ്ഞെന്നും നിറവും ബാക്കി ചില കാര്യങ്ങളും തീരുമാനിക്കാൻ കപിൽ ശർമ എത്താത്തത് കാരണമാണ് വാഹനം നൽകാത്തത് എന്നാണ് ഡിസി പറയുന്നത്.

വ്യജരേഖ ചമയ്ക്കൽ, ബാങ്കുകളെ കബിളിപ്പിക്കൽ തുടങ്ങി വിവിധ വകുപ്പുകൾ ചുമത്തി  ദിലിപ് ഛാബ്രിയെ കഴിഞ്ഞ ഡിസംബറിൽ മുംബൈ പൊലീസ് അറസ്റ്റു ചെയ്തിരുന്നു. ഏകദേശം 200 കോടി രൂപയുടെ സാമ്പത്തിക തട്ടിപ്പ് ഛാബ്രിയ നടത്തിയതായി പൊലീസ് പറയുന്നു.

English Summary: Kapil Sharma Files FIR Against DC Design Founder For Cheating