Manoramaonline.com no longer supports Internet Explorer 8 or earlier. Please upgrade your browser.  Learn more »

റെയ്ഡ് ഡി ഹിമാലയനിൽ അപകട മരണം

subhamoy-pau

രാജ്യത്തെ ഏറ്റവും വലിയ മോട്ടർ സ്പോർട്സ് ഇവന്റുകളിലൊന്നായ റെയ്ഡ് ഡി ഹിമാലയനിൽ അപകട മരണം. റാലിയുടെ മൂന്നാം ദിനത്തിൽ സംഭവിച്ച അപകടത്തിൽ കൊൽക്കത്തയിൽ നിന്നുള്ള റൈഡർ സുബമോയി പോൾ ആണ് മരണപ്പെട്ടത്. തുടർന്ന് എക്ട്രീം ക്യാറ്റഗറിയിലെ മത്സരം ഉപേക്ഷിക്കുകയായിരുന്നു.

ഇതിന് മുമ്പ് പല തവണ റെയിഡ‍് ഡി ഹിമാലയനിൽ പങ്കെടുത്തിട്ടുള്ള പോൾ മത്സരത്തിലെ മൂന്നാം പാദത്തിൽ 70 അടി താഴ്ചയിലേക്ക് മറിഞ്ഞാണ് അപകടത്തിൽ പെട്ടത്. തലയ്ക്കേറ്റ മാരകമായ മുറിവാണ് അപകടത്തിന് കാരണമായതെന്നും പോൾ സംഭവ സ്ഥലത്ത് വെച്ചുതന്നെ മരണമടഞ്ഞെന്നുമാണ് അധികൃതർ അറിയിച്ചത്. ഒക്ടോബർ ഏഴിന് ആരംഭിച്ച റാലിയിൽ മോട്ടോ ക്വാ‍ഡ് വിഭാഗത്തിലാണ് പോൾ മത്സരത്തിന് ഇറങ്ങിയത്.

എക്സ്ട്രീം വിഭാഗത്തിലെയും മോട്ടോ ക്വാഡ് വിഭാഗത്തിലെയും മത്സരം ഉപേക്ഷിച്ചെങ്കിലും അഡ്വ‍ഞ്ചർ ടിഎസ്ടി റാലി നിശ്ചയിച്ച പ്രകാരം നടക്കുമെന്ന് ഹിമാലയൻ മോട്ടോർ സ്പോർട്സ് അറിയിച്ചിട്ടുണ്ട്. പരമാവധി വേഗം 45 കിലോമീറ്റർ നിശ്ചയിച്ചിട്ടുള്ള ടിഎസ്ഡി റാലി ആദ്യമായി പങ്കെടുക്കുന്നവരെ ഉദ്ദേശിച്ചുള്ളതാണ്.
 

Your Rating:
ഇവിടെ പോസ്റ്റു ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.