Manoramaonline.com no longer supports Internet Explorer 8 or earlier. Please upgrade your browser.  Learn more »

ട്രെയിനുകളിലെ മഹാരാജ

maharajas-express Photo Courtesy: Official Website

ആഢംബരത്തിന്റെ പകിട്ടിൽ കുതിച്ചുപായുന്ന വിദേശ ട്രെയിനായ ഓറിയന്റ് എക്സ്പ്രസിനെപ്പറ്റിയൊക്കെ മാത്രം കേട്ടിട്ടുണ്ട്. അത്യാ‍ഡംബര ഹോട്ടലുകളെ വെല്ലുന്ന സൗകര്യങ്ങൾ യാത്രക്കാർക്ക് നൽകുന്ന ട്രെയിനുകള്‍ വിനോദ സഞ്ചാരികളെ ഏറ്റവും അധികം ആകർഷിക്കുന്ന ഒന്നാണ്. ലോകത്തിലെ ഏറ്റവും മികച്ച സൗകര്യങ്ങളുടമായി ഇന്ത്യന്‍ റെയിൽവെ 2010 ജനുവരിയിലാണ് മഹാരാജാസ് എക്സ്പ്രസിനെ അവതരിപ്പിക്കുന്നത്. കൊല്‍ക്കത്തയില്‍നിന്നു ഡല്‍ഹിയിലേക്കായിരുന്നു മഹാരാജാസ് എക്സ്പ്രസിന്റെ ആദ്യ യാത്ര ഇപ്പോൾ ലോകത്തെ തന്നെ എണ്ണം പറഞ്ഞ ആഢംബര ട്രെയിനുകളിലൊന്നാണ് നമ്മുടെ സ്വന്തം മഹാരാജ.

maharajas-express-3 Photo Courtesy: Official Website

ഡൽഹിയിൽ നിന്ന് യാത്ര തുടങ്ങി ഗോവ വഴി അടുത്തവർഷത്തോടെ കേരളത്തിലേക്കെത്തുകയാണ് മഹാരാജാ. ഏഷ്യയിലെ ഏറ്റവും െചലവ് കൂടിയ യാത്രയാണ് മഹാരാജാസ് എക്സ്പ്രസിലേത്. രാജകീയമായ യാത്ര ആസ്വദിക്കണമെങ്കിൽ ഏറ്റവും കൂടിയ ക്ലാസിന് 2500 യുഎസ് ഡോളറാണ് ഏകദേശം ഒരു ലക്ഷത്തി ആറുപത്തിയെണ്ണായിരം രൂപ. ഏറ്റവും കുറഞ്ഞ ടിക്കറ്റ് നിരക്കാണെങ്കിൽ പ്രതിദിനം അരലക്ഷം രൂപയും.

maharajas-express-5 Photo Courtesy: Official Website

ഇത്രയും ടിക്കറ്റ് ചാർജ്ജ് കൊടുക്കുന്നതുകൊണ്ട് ഭക്ഷണ-പാനീയങ്ങളെല്ലാം സൗജന്യമാണ്. ഡൈനിങ്ങും ബാറും എല്ലാം ഈ ട്രെയിനിലുണ്ട്. രാജ്യത്തെ ഏറ്റവും മികച്ച കാഴ്ചകളിലേക്ക് യാത്രക്കാരെ കൊണ്ടുപോകുന്നു മഹാരാജാസ് എക്‌സ്പ്രസ്. എട്ട് ദിവസത്തെ യാത്രയാണ് ഓരോ തവണയും ഈ ട്രെയിന്‍ പൂര്‍ത്തിയാക്കുന്നത്. ഐആർസിടിസിയാണ് ഈ ടൂറിസ്റ്റ് ട്രെയിനിന്റെ ഉടമസ്ഥർ. 88 യാത്രക്കാരെ മാത്രമാണ് ഈ ട്രെയിൻ വഹിക്കുക.

maharajas-express-2 Photo Courtesy: Official Website

അഞ്ച് ഡീലക്‌സ് കാറുകള്‍, ആറ് ജൂനിയര്‍ സ്യൂട്ട് കാറുകള്‍, രണ്ട് സ്യൂട്ട് കാറുകള്‍, ഒരു പ്രസിഡന്‍ഷ്യല്‍ സ്യൂട്ട് കാര്‍, ഒരു ബാര്‍, രണ്ട് റെസ്റ്ററന്റുകള്‍ എന്നിവയാണ് ഈ ആഢംബര ട്രെയിനിലുള്ളത്.മഹാരാജ എക്സ്പ്രസിലെ ഓരോ ക്യാരിയേജിനും ഓരോ രത്നങ്ങളുടെ പേരുകളാണുള്ളത്.എല്ലാ ക്യാരിയേജിലും പുറംലോകത്തിന്റെ ഭംഗിനുകരാൻ പറ്റുന്ന പനോരമിക് ജനാലകളാണുള്ളത്. ഒരോ കാബിനുകളിലും പ്രത്യേകം ശീതോഷ്ണ സംവിധാനം,എൽസിഡി ടിവി, ഡയറക്ട് ഡയൽ ടെലഫോൺ, ഇന്റർനെറ്റ്, ഡെഡിക്കേറ്റഡ് ബട്ലര് സർവീസ്, ബെഡ്.ലൈവ് ടിവി എന്നിവയുണ്ട്. മയൂർ മഹാൾ‍, രാംഗ് മഹാൾ എന്നീ റെസ്റ്ററന്റുകൾ ഈ ആഢംബരട്രെയിനിൽ ലോകത്തിന്റെ രുചികൾ പരിചയപ്പെടുത്തുന്നു. 42 ആളുകളെ ഓരോ ഡൈനിംഗ് കാറിനും ഉൾക്കൊള്ളാനാകും. ലോകമെങ്ങും ലഭ്യമാകുന്ന വൈനും മദ്യവും ലഭിക്കുന്ന സഫാരി ബാറും ട്രെയിനിലുണ്ടാകും.

maharajas-express-4 Photo Courtesy: Official Website

നിരവധി അംഗീകാരങ്ങളും ഈ ട്രെയിനിനെ തേടിയെത്തിയിട്ടുണ്ട്. 2012 മുതൽ വേൾഡ് ട്രാവൽ അവാർഡ് ഈ ട്രെയിനിനാണ് തുടർച്ചയായി ലഭിച്ചുകൊണ്ടിരിക്കുന്നത്. 2012 മുതൽ ഹെറിറ്റേജ് ഓഫ് ഇന്ത്യ, ട്രഷേഴ്സ് ഓഫ് ഇന്ത്യ, ജെംസ് ഓഫ് ഇന്ത്യ, ഇന്ത്യൻ പനോരമ, ഇന്ത്യൻ സ്പ്ലെൻഡർ എന്നീ യാത്രാപരിപാടികളാണ് സംഘടിപ്പിച്ചിരിക്കുന്നത്. aസൗത്ത് ആഫ്രിക്കയുടെ ബ്ലൂ ട്രെയിന്‍, റോവോസ് റെയിലിന്റെ പ്രൈഡ് ഓഫ് ആഫ്രിക്ക, യൂറോപ്പ് ആന്റ് തുര്‍ക്കിയുടെ ഓറിയന്റ് എക്‌സ്പ്രസ് എന്നിവയാണ് ഇത്തരത്തിൽ ആഢംബര യാത്ര നൽകുന്ന മറ്റ് രാജ്യങ്ങളിലെ ട്രെയിനുകൾ.  

Your Rating: