Manoramaonline.com no longer supports Internet Explorer 8 or earlier. Please upgrade your browser.  Learn more »

ആവേശമായി മസ്താങ്

mustang1 മസ്താങ്

യു എസ് നിർമാതാക്കളായ ഫോഡിന്റെ പ്രശസ്ത മോഡലായ ‘മസ്താങ് ജി ടി’ഒാട്ടോ എക്സ്പോ വേദിയിൽ ആവേശമാകുന്നു. മാർച്ചോടെ ഇന്ത്യയിൽ കാറിന്റെ വിൽപ്പന തുടങ്ങുമെന്നാണു സൂചന. ഫോഡിന്റെ പവിലിയനിൽ പ്രദർശിപ്പിച്ചിരിക്കുന്ന മസ്താങ് കാണാൻ തിക്കും തിരക്കുമാണ്.

വിദേശത്തു നിർമിച്ച ‘മസ്താങ് ജി ടി’ ഇറക്കുമതി വഴിയാവും ഇന്ത്യയിൽ വിൽപ്പനയ്ക്കെത്തുക. വിദേശ വിപണികളിൽ നിന്നു വ്യത്യസ്തമായി പരിമിത എൻജിൻ സാധ്യതകളോടെയാവും ‘മസ്താങ്’ ഇന്ത്യയിലെത്തുക. ആഗോളതലത്തിൽ നാലു ലൈറ്റ്വെയ്റ്റ് അലൂമിനിയം എൻജിൻ സാധ്യതകളാണു ‘മസ്താങ്ങി’ലുള്ളത്. എന്നാൽ ഇന്ത്യയിൽ 2.3 ലീറ്റർ ഇകോബൂസ്റ്റ് എൻജിനോ അഞ്ചു ലീറ്റർ, വി എയ്റ്റ് എൻജിനോ ആവും കാറിനു കരുത്തേകുക. ആറു സ്പീഡ് മാനുവൽ അല്ലെങ്കിൽ പാഡിൽ ഷിഫ്റ്റർ സഹിതമുള്ള ആറു സ്പീഡ് ഓട്ടമാറ്റിക് ഗീയർബോക്സാവും ഇന്ത്യയ്ക്കുള്ള ട്രാൻസ്മിഷൻ സാധ്യത.

പരമാവധി 310 ബി എച്ച് പി കരുത്തും 434 എൻ എം ടോർക്കുമാണ് ‘ഇകോ ബൂസ്റ്റ്’ എൻജിൻ സൃഷ്ടിക്കുക; 3.7 ലീറ്റർ, വി സിക്സ് എൻജിനാവട്ടെ 300 ബി എച്ച് പി കരുത്തു 380 എൻ എം ടോർക്കുമാണു സൃഷ്ടിക്കുക. അഞ്ചു ലീറ്റർ, വി എയ്റ്റ് എൻജിനാവട്ടെ 45 ബി എച്ച് പി വരെ കരുത്തും 542 എൻ എം വരെ ടോർക്കും സൃഷ്ടിക്കും. ‘ഷെൽബി 350’, ‘ഷെൽബി 350 ആർ’ വകഭേദങ്ങൾക്കു കരുത്തേകുന്നത് 5.2 ലീറ്റർ, വി എയ്റ്റ് എൻജിനാണ്; ഇവ ഇന്ത്യയിൽ എത്താൻ സാധ്യതയും കുറവാണ്. റൈറ്റ് ഹാൻഡ് ഡ്രൈവ് ലേ ഔട്ടാണ് ഇന്ത്യയ്ക്കായി നിർമിക്കുന്ന ‘മസ്താങ്ങി’ന്റെ പ്രധാന സവിശേഷത.

mustang2 മസ്താങ്

കഴിഞ്ഞ ഓഗസ്റ്റിലാണു ഫോഡ് റൈറ്റ് ഹാൻഡ് ഡ്രൈവ് ലേ ഔട്ടുള്ള ‘മസ്താങ്’ പുറത്തിറക്കുന്നത്. നോർത്ത് അമേരിക്കയിലെ മിച്ചിഗനിലുള്ള ഫ്ളാറ്റ്റോക്ക് അസംബ്ലി പ്ലാന്റിൽ നിന്നായിരുന്നു ആദ്യ ആർ എച്ച് ഡി ‘മസ്താങ്’ പുറത്തെത്തിയത്. കാർ നിരത്തിലെത്തി അര നൂറ്റാണ്ട് പിന്നിടുന്ന വേളയിലാണു വലതു വശത്തു സ്റ്റീയറിങ്ങുള്ള ‘മസ്താങ്’ യാഥാർഥ്യമാവുന്നതെന്ന പ്രത്യേകതയുമുണ്ട്.

Your Rating:

Disclaimer

ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.