യുഎഇയിൽ 1969 പേർക്ക് കൂടി കോവിഡ്; രണ്ട് മരണം, രോഗമുക്തി 1946

അബുദാബി ∙ യുഎഇയിൽ കോവിഡ് ബാധിതരായ രണ്ടു പേർ കഴിഞ്ഞ 24 മണിക്കൂറിനിടെ മരിച്ചു. 1969 പേർക്ക് കൂടി രോഗം ബാധിച്ചതായും 1946 പേർ രോഗമുക്തി നേടിയതായും ആരോഗ്യ –രോഗപ്രതിരോധ മന്ത്രാലയം അറിയിച്ചു. ആകെ രോഗികൾ: 5,97,986. രോഗമുക്തി നേടിയവർ: 5,77,234. ആകെ മരണം: 1726. ചികിത്സയിലുള്ളവർ: 19,026. വിവിധ രാജ്യക്കാരാണ് രോഗബാധിതരെന്നും ഇവർക്ക് മികച്ച ചികിത്സയാണ് നൽകുന്നതെന്നും അധികൃതർ പറഞ്ഞു.

അബുദാബിയിൽ നിന്ന് സ്വിറ്റ്സർലന്‍ഡിൽ പോകാം

പൂർണമായും വാക്സീൻ സ്വീകരിച്ചവർക്ക് അബുദാബിയിൽ നിന്ന് സ്വിറ്റ്സർലൻഡിലേയ്ക്ക് പോകാമെന്ന് അധികൃതർ. ഇവർക്ക് അവിടെ ക്വാറന്റീൻ ഉണ്ടായിരിക്കില്ല.

ആകെ പരിശോധന 53.1 ദശലക്ഷത്തിലേറെ

പുതുതായി 2,17,849 പേർക്ക് കൂടി പരിശോധന നടത്തിയതോടെ യുഎഇയിൽ കോവി‍ഡ് പരിശോധന ആകെ 53.1 ദശലക്ഷത്തിലേറെ ആയതായി  അധികൃതർ പറഞ്ഞു. രാജ്യവ്യാപകമായി പ്രതിരോധ കുത്തിവയ്പ് ശക്തമായി നടന്നുവരുന്നതായും അറിയിച്ചു. നിയമലംഘനങ്ങൾ ശ്രദ്ധയിൽപ്പെട്ടാൽ ദുബായ് കൺസ്യൂമർ ആപ്പ് വഴിയോ  600545555 എന്ന നമ്പരിലോ, Consumerrights.ae വെബ്സൈറ്റ് സന്ദർശിച്ചോ വിവരം അധികൃതരെ അറിയിക്കണം.