വെള്ളരി നമ്മുടെ നാട്ടുതൊടികളിൽ പണ്ടുകാലത്തു വളരെ സുലഭമായിരുന്നു. തൊടിയും പറമ്പും ഇല്ലാതായതോടെ വെള്ളരി തേടി ചന്തകളിലേക്കു സഞ്ചിയുമായി പോകേണ്ടിവന്നു. വണ്ണം കുറയ്ക്കാൻ വെള്ളരിക്ക് വളരെ പ്രയോജനകരമാണെന്ന കാര്യം എത്രപേർക്കറിയാം. വെള്ളരിക്ക കൊണ്ടുള്ള വിവിധ വിഭവങ്ങൾ രുചികരമായി തന്നെ തയാറാക്കാം.
∙വെള്ളരിക്കയിൽ 95 ശതമാനവും വെള്ളമാണ്. മാത്രമല്ല ധാരാളം കാൽസ്യം, മഗ്നീഷ്യം, സിങ്ക്, വിറ്റാമിൻ സി, ബി തുടങ്ങിയവ അടങ്ങിയിരിക്കുന്നു. ഇതു നിങ്ങളുടെ ശരീരത്തെ ഡീ ടോക്സിഫൈ ചെയ്ത് മാലിന്യങ്ങളെ നീക്കം ചെയ്യുന്നു.
∙പ്രഭാതഭക്ഷണത്തോടൊപ്പം കുക്കുമ്പർ സാലഡ് ശീലമാക്കാം. വെള്ളരിക്ക നന്നായി അരിഞ്ഞ് വിനാഗിരിയും ഉപ്പും ചേർത്തിളക്കുക. സവാള അരിഞ്ഞത് ഇതിനൊടൊപ്പം ചേർത്ത് കഴിക്കാം.
∙റൊട്ടി കഴിക്കുന്നവർ ജാമിനു പകരം കുക്കുമ്പർ സാൻഡ്‌വിച്ച് തയാറാക്കിനോക്കൂ. വെള്ളരിക്ക കുനുകുനെ അരിഞ്ഞ് വെണ്ണയോ മയണീസോ ചേർത്ത് സാൻഡ്‌വിച്ച് തയാറാക്കാം.
∙പതിനൊന്നുമണി നേരത്ത് ഒരു കുക്കുമ്പർ സ്മൂത്തി ആയോലോ. ഇതിനുവേണ്ടി വെള്ളരിക്കൊപ്പം പച്ച ആപ്പിൾ കൂടി ചേർത്ത് മിക്സിയിൽ അടിച്ച് നേർപ്പിച്ച് കഴിക്കാം.
∙വൈകുന്നേരം ചായയ്ക്കുപകരം വെള്ളരിക്ക ജ്യൂസ് ആകാം. പച്ചച്ചീര വേവിച്ചത്, വെള്ളരിക്ക, തക്കാളി എന്നിവ വെള്ളം ചേർത്തടിച്ച് ജ്യൂസ് തയാറാക്കാം
∙പത്തുദിവസം തുടർച്ചയായി ഇങ്ങനെ പരമാവധി വെള്ളരിക്ക അകത്താക്കിനോക്കൂ. സാവധാനം നിങ്ങളുടെ ശരീരത്തിലെ ദുർമേദസ് കുറയുന്നത് നിങ്ങൾക്കു തിരിച്ചറിയാനാകും. ജങ്ക് ഫുഡ് ഒഴിവാക്കാനും വ്യായാമം മുടക്കാതിരിക്കാനും ഓർമിക്കണം.
Read more : ഭക്ഷണവും ആരോഗ്യവും
