വർക്ക് ഔട്ട് ചെയ്തുകഴിയുമ്പോൾ എന്തു കഴിക്കണം? എന്തു കഴിക്കരുത്? വ്യായാമം ശീലമാക്കിയ മിക്കവരുടെയും സംശയമാണ്. തുടർച്ചയായി നടക്കുകയോ, എയ്റോബിക്സ്, സൂംബ, ജിം തുടങ്ങിയ വ്യായാമങ്ങളിൽ ഏർപ്പെടുകയോ ചെയ്തുകഴിയുമ്പോൾ കഴിക്കേണ്ട ഭക്ഷണം സംബന്ധിച്ച ചില സംശയങ്ങൾക്കുള്ള മറുപടി ഇതാ.
∙ വ്യായാമം ചെയ്തു കഴിഞ്ഞ് ഉടൻ തന്നെ വെള്ളം കുടിക്കുന്ന ശീലം നന്നല്ല. അധിക കലോറി ഊർജം ദഹിപ്പിച്ച് അൽപസമയം കഴിഞ്ഞു മാത്രമേ വെള്ളം കുടിക്കാവൂ.
∙വ്യായാമത്തിനിടയിൽ ആവശ്യമെങ്കിൽ ചെറിയ അളവിൽ വെള്ളം കുടിക്കാവുന്നതാണ്.
∙വ്യായാമശേഷം ഭക്ഷണം കഴിക്കാൻ ഒരുപാട് വൈകുന്നത് നല്ലതല്ല. കടുത്ത വ്യായാമങ്ങൾ ചെയ്യുമ്പോൾ നിങ്ങളുടെ ശരീരത്തിലെ ദഹനനിരക്ക് വർധിക്കുന്നു. ആമാശയത്തിലെ ഭക്ഷണം വളരെവേഗം ദഹിച്ചുപോകുന്നു. വീണ്ടും ഭക്ഷണത്തിനുള്ള ഇടവേള നീണ്ടുപോയാൽ ഉദരസംബന്ധമായ രോഗങ്ങൾ പിടിപെട്ടേക്കാം
∙മുതിർന്നവർ വ്യായാമം ചെയ്യുമ്പോൾ അവരുടെ ശരീരത്തിലെ പ്രമേഹത്തിന്റെയും രക്തസമ്മർദത്തിന്റെയും തോതുകളിൽ വ്യത്യാസം വരുന്നു. ഇത്തരക്കാർ അധികം വൈകാതെ ഭക്ഷണം കഴിച്ചില്ലെങ്കിൽ ഷുഗർ, ബിപി എന്നിവയിൽ പ്രത്യക്ഷമായ മാറ്റം സംഭവിച്ചേക്കാം
∙ വ്യായാമം ചെയ്തുകഴിഞ്ഞ് ഉടൻ തന്നെ തണുത്ത വെള്ളം കുടിക്കുന്നത് നല്ലതല്ല. വ്യായാമം ചെയ്യുമ്പോൾ ശരീര താപനില ഉയരുന്നു. ഈ ശരീരം തണുത്ത വെള്ളത്തെ നിഷേധിക്കുന്നു. ഇത് നീർക്കെട്ടിനും മറ്റും കാരണമായേക്കാം
∙വിയർപ്പാറിക്കഴിഞ്ഞ ശേഷമേ കുളിക്കാവൂ. കാറ്റുകൊണ്ട് ശരീരം സാധാരണ അവസ്ഥയിലേക്ക് കൊണ്ടുവരിക.
∙കാർബണേറ്റഡ് പാനീയങ്ങൾ വ്യായാമശേഷം ഉടനെ കഴിക്കാതിരിക്കാൻ ശ്രദ്ധിക്കുക. കരിക്കിൻവെള്ളം, നാരങ്ങാവെള്ളം, ഗ്രീൻ ടീ എന്നിവ നല്ലതാണ്.
∙വ്യായാമം കഴിഞ്ഞ ശേഷം ഉടൻ തന്നെ വരിവലിച്ചുകഴിക്കാതിരിക്കുക. ലഘുഭക്ഷണം കഴിച്ച് പിന്നീട് കൂടുതൽ അളവിൽ കഴിക്കുന്നതാണു നല്ലത്.
Read More : Health and Fitness
