Manoramaonline.com no longer supports Internet Explorer 8 or earlier. Please upgrade your browser.  Learn more »

രുചിയോടെ തിന്നിരുന്ന ബ്രെഡിലെ വില്ലൻ ആരെന്നറിയാമോ?

bread-problem

പഠനത്തിൽ ബ്രെഡ് മാവ് കുഴയ്ക്കുമ്പോള്‍ ചേര്‍ക്കുന്ന അപകടകരമായ രാസവസ്തുക്കളിൽ പലതും അപകടകരമാണെന്നും കാൻസറിനുവരെ കാരണമായേക്കുമെന്നുമറിഞ്ഞ് ഞെ‌ട്ടിയിരിക്കുകയാണ് ഏവരും. സെന്റർ ഓഫ് സയൻസ് ആന്റ് എൻവയോണ്‍മെന്റ് ഡൽഹിയിൽ നടത്തിയ പ​ഠനത്തിലാണ് ഈ വിവരങ്ങൾ പുറത്തുവന്നിരിക്കുന്നത്.

ഡൽഹിയിൽ നിന്ന് ശേഖരിച്ച ബേക്കറി ഉൽപ്പന്നങ്ങളു‌ടെ സാമ്പിളുകളിൽ 84% പൊട്ടാസ്യം ബ്രോമേറ്റും പൊട്ടാസ്യം അയഡേറ്റും അടങ്ങിയിരിക്കുന്നതായി കണ്ടെത്തിയിരുന്നു.ഇന്റർനാഷണൽ ഏജൻസി ഫോർ റിസർച്ച് ഓൺ കാൻസർ ( IARC ) പ്രകാരം പൊട്ടാസ്യം ബ്രോമേറ്റ് അർബുദത്തിന് കാരണമാകുന്നതാണ്. എന്തിനാണ് പൊട്ടാസ്യം ബ്രോമേറ്റ് ‌‌ഉപയോഗിക്കുന്നെന്ന് നോക്കാം.

1. ബ്രെഡിന്റെ വെൺമ കൂട്ടാനും അതേസമയം മൈദാ മാവിന്റെ കരുത്ത് വർദ്ധിപ്പിക്കുകയും മ‍ൃദുവാക്കുകയും ചെയ്യുന്നു.

2. പൊട്ടാസ്യം ബ്രോമേറ്റ് അർബുദത്തിന് കാരണമാകുന്നതാണ് പ്രധാന ആശങ്ക. എലികളിലും മറ്റും ന‌ടത്തിയ പഠനത്തിൽ ഇക്കാര്യത്തിൽ 1982ൽത്തന്നെ സ്ഥിരീകരണം ലഭിച്ചതാണ്.

3. യൂറോപ്യൻ യൂണിയൻ, കാനഡ, നൈജീരിയ, ബ്രസീൽ, ദക്ഷിണ കൊറിയ, പെറു എന്നീ രാജ്യങ്ങളിൽ ഇത്തരം ഘടകങ്ങൾ ചേർത്ത ഭക്ഷ്യവസ്തുക്കളുടെ ഉപയോഗം നിരോധിച്ചിരിക്കുകയാണ്.

4. അമേരിക്കയിൽ ഈ രാസവസ്തുവിന്റെ ഉപയോഗത്തിന് നിയന്ത്രണമില്ല.

5. ഭക്ഷണത്തിലൂടെ അകത്തുചെല്ലുമ്പോള്‍ മാത്രമല്ല ഈ രാസവസ്തു അപകടകരമാകുന്നത്. ത്വക്കിലോ കണ്ണിലോ ഒക്കെ വീണാലും പ്രത്യാഘാതങ്ങളുണ്ടായേക്കാമത്രെ.

6. പൊട്ടാസ്യം ബ്രോമേറ്റ് ഉണ്ടാക്കുന്നത് പൊട്ടാസ്യം ഹൈഡ്രോക്സൈഡ് സംയുക്തത്തിലേക്ക് ബ്രോമീൻ കടത്തിവിട്ടാണ്.

7. ഇന്റർനാഷണൽ ഏജൻസി ഫോർ റിസർച്ച് ഓൺ കാൻസർ എന്ന സംഘടന പൊട്ടാസ്യം ബ്രോമേറ്റിനെ 2ബി കാര്‍സിനോജെൻ( മനുഷ്യര്‍ക്ക് കാൻസറുണ്ടാകാൻ സാധ്യതയുള്ള) ആയാണ് കാണുന്നത്. 

Your Rating: