Manoramaonline.com no longer supports Internet Explorer 8 or earlier. Please upgrade your browser.  Learn more »

സൈബർ സെക്സ് അടിമയാണോ? സ്വയം പരിശോധിക്കാൻ ഇതാ ചോദ്യാവലി

Woman with laptop.

സൈബർസെക്സ്/ഇ–സെക്സിനു അടിമയാകുന്നത് സ്വയം തിരിച്ചറിയാതെ പോകുന്നത് തീവ്രമായ അടിമത്തത്തിലേക്ക് നയിക്കുന്നു.

ഉണ്ട്/ഇല്ല എന്ന് ഉത്തരം പറയാവുന്ന 10 ചോദ്യങ്ങൾ ചുവടെയുണ്ട്. ഓരോന്നിനും സത്യസന്ധമായി ഉത്തരം അടയാളപ്പെടുത്തുക. അതിനു ശേഷം മാത്രം ഒടുവിൽ നൽകിയിരിക്കുന്നത് വിശകലനം വായിക്കുക.

∙ പങ്കാളിയുമായി ബന്ധപ്പെടുമ്പോൾ അശ്ലീല ചിത്രങ്ങളിലെ കഥാപാത്രങ്ങൾ മനസ്സിൽ തങ്ങി നിൽക്കാറുണ്ടോ ?

∙ യഥാർഥ ലൈംഗികതയിൽ നിന്ന് പോലും ഒഴിഞ്ഞു മാറി ഓണ്‍ലൈൻ/സൈബർ സെക്സ് തേടി പോകാറുണ്ടോ ?

∙ ജോലി സമയത്തോ ഗൗരവമേറിയ മറ്റ് പ്രവൃത്തികള്‍ക്കിടയിലോ കംപ്യൂട്ടർ, മൊബൈൽ ഫോൺ എന്നിവയിൽ ഡിജിറ്റൽ സെക്സ് തിരയാറുണ്ടോ ?

∙ സ്വാഭികമായതോ പ്രകൃതി വിരുദ്ധമായതോ കുറ്റ കൃത്യമായി പരിഗണിക്കുന്നതോ ആയ ലൈംഗിക പ്രവൃത്തികളുടെ ചിത്രം മനസ്സിൽ സദാ തങ്ങി നിൽക്കുകയോ അസ്വസ്ഥമാക്കുകയോ ചെയ്യാറുണ്ടോ ?

∙ മുൻകൂട്ടി തീരുമാനിച്ചതിലും കൂടുതൽ സമയം അശ്ലീലചിത്രങ്ങൾ കണ്ടിരിക്കാറുണ്ടോ ?‌

∙ എല്ലാ ദിവസവും തന്നെ അശ്ലീല ‌സൈറ്റുകൾ സന്ദർശിക്കുവാനോ, വീഡിയോ കാണുവാനോ നിങ്ങൾ ബോധപൂര്‍വം സമയം കണ്ടെത്താറുണ്ടോ ?

∙ സൈബർ സെക്സിനു വേണ്ടി ചെലവഴിക്കുന്ന സമയം ദിനംപ്രതി കൂടി വരുന്നുണ്ടോ ?‌‌‌‌

∙സൈബർ‌ സെക്സിനു തടസ്സമുണ്ടായാൽ അസ്വസ്ഥത. ദേഷ്യം. പിരിമുറുക്കം ഇവ ഉണ്ടാവുകയോ സൈബർ സെക്സ് ആരംഭിച്ചാൽ ആ അസ്വാസ്ഥ്യങ്ങൾ മാറുന്ന അവസ്ഥയോ ഉണ്ടാകാറുണ്ടോ ?

∙ സൈബർ ലൈംഗികതയിലൂടെയല്ലാതെ ഉത്തേജനം സാധ്യമാകാതെ വരുന്നുണ്ടോ ?

∙ ഒരു ദിവസം തന്നെ ഒന്നിലധികം തവണ സൈബർ സെക്സിലേക്കു പോകാനുള്ള അതിയായ താൽപര്യം ഉണ്ടാകാറുണ്ടോ ?

ഉത്തരങ്ങളുടെ വിശകലനം

മൂന്നോ അതിലധികമോ ചോദ്യങ്ങൾക്ക് ഉണ്ട് എന്നാണ് ഉത്തരം നൽകിയതെങ്കിൽ നിങ്ങള്‍ സൈബർസെക്സിന് അടിമയായി കൊണ്ടിരിക്കുന്നു എന്ന് മനസ്സിലാക്കി ഒരു മനശ്ശാസ്ത്രജ്ഞന്റെ സഹായം തേടണം. ഉണ്ട് എന്ന ഉത്തരത്തിന്റെ എണ്ണം കൂടുന്തോറും അഡിക്ഷൻ തീവ്രത കൂടുതലാണെന്നും മനസ്സിലാക്കാം. ഒരെണ്ണത്തിനെങ്കിലും ഉണ്ട് എന്നാണ് ഉത്തരമെങ്കിൽ സ്വയം കരുതലെടുക്കാൻ സമയമായി എന്നർഥം.

ഡോ. റോബിൻ മാത്യു
ബിഹേവിയറൽ സൈക്കോളജിസ്റ്റ്,
നോവ ക്ലിനിക് കാഞ്ഞിരപ്പള്ളി, കോട്ടയം

Your Rating:
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.