ചെലവ് അൽപം കൂടിയാലും സ്വന്തം ആവശ്യത്തിനുള്ള മുട്ട ഉൽപാദിപ്പിക്കാൻ ഒട്ടേറെ വീട്ടമ്മമാർ താൽപര്യമെടുക്കുന്നുണ്ട്. വിപണിയിൽനിന്നു തീറ്റ വാങ്ങിക്കൊടുത്ത് അഞ്ചോ ആറോ കോഴികളെ ചെറിയ കൂടുകളിൽ വളർത്തുന്ന രീതിയാണ് ഇവർക്ക് അനുയോജ്യം.
അത്യുൽപാദനശേഷിയുള്ള അതുല്യ, ബിവി–380 (ആണ്ടിൽ കുറഞ്ഞത് 300 മുട്ട) ഇനങ്ങൾ ഈ രീതിയിൽ വളർത്താമെന്നു ഡോ. വി.കെ.പി മോഹൻകുമാർ. വീട്ടുമുറ്റത്തോ അകത്തളത്തിലോ മട്ടുപ്പാവിലോ കേജുകൾ വയ്ക്കാം. നഗരങ്ങളിലും ഗ്രാമങ്ങളിൽതന്നെ സ്ഥലപരിമിതിയുള്ളവർക്കും ഈ രീതി പരീക്ഷിക്കാം.