ഇന്ത്യൻ ബോക്സ്ഓഫീസിൽ ഏറ്റവും വലിയ വിജയഗാഥ കുറിക്കുകയാണ് ആമിർ ഖാന്റെ ദംഗലും രാജമൗലിയുടെ ബാഹുബലിയും. ബാഹുബലി അഞ്ചാം വാരത്തിലേക്ക് കടക്കുമ്പോള്‍ ചിത്രത്തിന്റെ കലക്ഷൻ 1600 കോടി.
നിലവിൽ ബാഹുബലി 1613 കോടിയും ദംഗല്‍ 1600 കോടിയും ആഗോളകലക്ഷൻ പിന്നിട്ട് കഴിഞ്ഞു. ദംഗൽ ചൈനയിൽ (825 കോടി) നിന്നും തായ്‌വാനിൽ (31 കോടി) നിന്നും 800 കോടിയോളം വാരി. ബാഹുബലി 2 ഇന്ത്യയിൽ നിന്ന് മാത്രം നേടിയത് ആയിരം കോടി.
ജൂലൈയിൽ ബാഹുബലി 2 ചൈനയിൽ റിലീസിനെത്തുകയാണ്. ദംഗൽ ചൈനയിൽ വിതരണത്തിനെടുത്ത ഇസ്റ്റാര്‍ കമ്പനി തന്നെയാണ് ബാഹുബലി 2 ചൈനയിൽ റിലീസിനെത്തിക്കുന്നത്. സിനിമ 2000 കോടി കലക്ഷനിലെത്തുമെന്നാണ് പ്രവചനം.
×
