രൺബീർ കപൂർ–കത്രീന കൈഫ് എന്നിവരെ പ്രധാനകഥാപാത്രങ്ങളാക്കി അനുരാഗ് ബസു സംവിധാനം ചെയ്യുന്ന ജഗ്ഗാ ജാസൂസിന്റെ ട്രെയിലർ പുറത്തിറങ്ങി. ഡിറ്റക്ടീവായ ജഗ്ഗാ തന്റെ പിതാവിനെ അന്വേഷിച്ച് നടത്തുന്ന യാത്രയാണ് സിനിമയുടെ പ്രമേയം. ഡിറ്റക്ടീവ് ജഗ്ഗയായി രൺബീർ അഭിനയിക്കുന്നു.
Jagga Jasoos | Official Trailer | In Cinemas July 14
ഇരുവരും കമിതാക്കളായിരുന്ന സമയത്ത് ചിത്രീകരണം തുടങ്ങിയ സിനിമയാണ് ജഗ്ഗാ ജാസൂസ്. ചിത്രീകരണം പകുതിയോളം പൂർത്തീകരിക്കുകയും ചെയ്തു. ഇതിനിടെയാണ് ഇവർ േവർപിരിയുന്നത്. വേർപിരയിലിന് േശഷം കത്രീന ഈ സിനിമയിൽ അഭിനയിക്കുന്നതിൽ താൽപര്യം പ്രകടിപ്പിച്ചിരുന്നില്ല. അത് വലിയ വാർത്തയുമായി.
എന്തായാലും പിണക്കവും പരിഭവും മറന്ന ശേഷമാണ് രണ്ടുപേരും സിനിമ പൂർത്തീകരിച്ചത്. സൗത്ത് ആഫ്രിക്കയാണ് സിനിമയുടെ പ്രധാനലൊക്കേഷൻ. അനുരാഗിന്റെ നാല് വർഷത്തെ കഠിനാദ്ധ്വാനം കൂടിയാണ് ഈ ചിത്രം. തിരക്കഥയും അനുരാദ് തന്നെ. പ്രീതം സംഗീതം. ഛായാഗ്രഹണം രവി വർമൻ. ചിത്രം ജൂലൈ 14ന് തിയറ്ററുകളിലെത്തും.
