Manoramaonline.com no longer supports Internet Explorer 8 or earlier. Please upgrade your browser.  Learn more »

അധോലോക നായകനായി ഷാരൂഖ്; റയീസ് ടീസര്‍

shah-rukh-raees

ഷാരൂഖ് ഖാന്‍ അധോലോക നായകനായി എത്തുന്ന ബോളിവുഡ് ചിത്രം റയീസിന്‍റെ ടീസര്‍ പുറത്തിറങ്ങി. പരുക്കന്‍ ഗെറ്റപ്പില്‍ ഷാരൂഖ് പ്രത്യക്ഷപ്പെടുന്ന ചിത്രത്തില്‍ മദ്യരാജാവ് ആയാണ് അദ്ദേഹം എത്തുന്നത്. രാഹുല്‍ ദൊലാകിയ ആണ് സംവിധാനം.

1980കളിലെ ഗുജറാത്തിന്‍റെ പശ്ചാത്തലത്തിലാണ് ചിത്രത്തിന്‍റെ കഥപറയുന്നത്. എന്നാല്‍ സിനിമയ്ക്ക് ഒരു മലയാളിബന്ധമുണ്ടെന്ന കാര്യം ആര്‍ക്കുമറിയില്ല. റയീസിന് ക്യാമറ ചലിപ്പിക്കുന്നത് മലയാളിയും പ്രശസ്ത ബോളിവുഡ് ഛായാഗ്രാഹകനുമായ കെ.യു മോഹനന്‍ ആണ്. 2006ല്‍ പുറത്തിറങ്ങിയ സൂപ്പര്‍ഹിറ്റ് ചിത്രം ഡോണിന് ശേഷം ഷാരൂഖ് ഖാനും കെ.യു മോഹനനും ഒന്നിക്കുന്ന ചിത്രം കൂടിയാണിത്. ഡോണ്‍ സിനിമയുടെ ഏറ്റവും വലിയ ഹൈലൈറ്റ് ചിത്രത്തിന്‍റെ ക്യാമറ വര്‍ക്ക് തന്നെയായിരുന്നു. ആമിര്‍ ഖാ‍ന്‍ ചിത്രം തലാഷ്, ഫുക്രി എന്നിവയാണ് കെ.യു മോഹനന്‍ അവസാനമായി ചെയ്ത ചിത്രങ്ങള്‍.

Raees Teaser | Shah Rukh Khan

ആക്ഷന്‍ സിനിമകളോട് പ്രത്യേക താല്‍പര്യമുള്ള മോഹനന്‍ പുതിയ ചിത്രത്തില്‍ മറ്റൊരു പരീക്ഷണം തന്നെയായിരിക്കും നടത്തുക. ഗുജറാത്തി സ്റ്റൈല്‍ വേഷത്തില്‍ കട്ടിത്താടിയിലാണ് ഷാരൂഖ് എത്തുന്നത്. പൊലീസ് ഉദ്യോഗസ്ഥന്‍റെ വേഷത്തില്‍ നവാസുദ്ദീന്‍ സിദ്ദിഖി എത്തും. 2016 ഈദിനാണ് ചിത്രം റിലീസ് ആകുന്നത്.

Your Rating:

Disclaimer

ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.