തമിഴകത്ത് ഏറ്റവും തിരക്കുള്ള നടിമാരിൽ ഒരാളാണ് ലക്ഷ്മി മേനോൻ. കൊമ്പന്‍, വേതാളം, മിരുതന്‍ തുടങ്ങി അഭിനയിച്ച ചിത്രങ്ങളെല്ലാം സൂപ്പർഹിറ്റാകുമ്പോഴും സിനിമയിൽ നിന്ന് ലക്ഷ്മി അൽപം അകലം പാലിച്ചിരുന്നു. പഠനത്തിന് പ്രാധാന്യം നൽകാനായിരുന്നു ലക്ഷ്മി ഇങ്ങനെയൊരു തീരുമാനമെടുത്തത്.
എന്നാൽ സിനിമയിൽ തിരക്ക് കൂടിയതോടെ നടി ഇപ്പോൾ പൂർണമായും പഠനം ഉപേക്ഷിക്കുന്നുവെന്ന് വാർത്തകൾ. പ്ലസ് ടുവിന് നല്ല മാര്‍ക്കോടെ പാസായ ലക്ഷ്മി മേനോന് കൊച്ചിയില്‍ ഒരു കൊളേജില്‍ ഉപരിപഠനത്തിന് ചേര്‍ന്നിരുന്നു.
എന്നാല്‍ ഷൂട്ടിങ് തിരക്കു കാരണം ലക്ഷ്മി മേനോന് പഠനത്തിന്റെ ഭാഗമായി ചെയ്ത് തീര്‍ക്കേണ്ട പ്രൊജക്ടുകള്‍ ചെയ്യാൻ കഴിഞ്ഞില്ല. മിക്കദിവസവും അവധി. അവസാനം കൊളേജ് മാനേജ്മെന്റ് ലക്ഷ്മിയുടെ വീട്ടില്‍ വിളിച്ച് മുന്നറിയിപ്പ് നല്‍കി. ഈ സാഹചര്യത്തിൽ കൊളേജ് പഠനം ഉപേക്ഷിക്കാനുള്ള തീരുമാനത്തിലാണ് ലക്ഷ്മി മേനോൻ.
വിജയ് സേതുപതി നായകനാകുന്ന രക്കയാണ് ലക്ഷ്മിയുടെ പുതിയ ചിത്രം. രത്തിന ശിവയാണ് സംവിധാനം.
