Manoramaonline.com no longer supports Internet Explorer 8 or earlier. Please upgrade your browser.  Learn more »

ബാലതാരങ്ങളെ അഭിനയിപ്പിക്കുന്നവര്‍ ശ്രദ്ധിക്കുക

wayanad-film

നെടുനീളൻ സീരിയലുകളിൽ കൊച്ചുതാരങ്ങളെക്കൊണ്ടു തുടർച്ചയായി എപ്പിസോഡുകൾ അഭിനയിപ്പിക്കുന്നവർ ശ്രദ്ധിക്കുക: ഇടതടവില്ലാത്ത അഭിനയം നിയമവിരുദ്ധം. വിശ്രമമില്ലാതെ അഭിനയിപ്പിക്കുന്നതു ബാലവേല നിരോധന നിയമപ്രകാരം ശിക്ഷാർഹമാണെന്ന് അസാധാരണ ഗസറ്റ് വിജ്ഞാപനത്തിൽ സർക്കാർ വ്യക്തമാക്കുന്നു.

പ്രധാന വ്യവസ്ഥകൾ

∙ കുട്ടികളെ ദിവസം അഞ്ചു മണിക്കൂറിലേറെ അഭിനയിപ്പിക്കരുത്. വിശ്രമമില്ലാതെ മൂന്നു മണിക്കൂറിലേറെ അഭിനയം പാടില്ല.

∙ ദൃശ്യ–ശ്രാവ്യ മാധ്യമങ്ങളിൽ കുട്ടികൾ ഉൾപ്പെട്ട പരിപാടികളുടെ നിർമാതാവ് ജില്ലാ കലക്ടറുടെ മുൻകൂർ അനുമതി വാങ്ങണം. അഭിനയിക്കുന്ന ബാലതാരങ്ങളുടെ പട്ടിക, രക്ഷാകർത്താക്കളുടെ സമ്മതപത്രം, കുട്ടികളുടെ സുരക്ഷിതത്വം ഉറപ്പാക്കാൻ ചുമതലപ്പെട്ടയാളുടെ പേര് എന്നിവയും നൽകണം.

∙ കുട്ടികൾ ചൂഷണം ചെയ്യപ്പെടുന്നില്ലെന്നുറപ്പാക്കാൻ എല്ലാ നടപടിയും സ്വീകരിച്ചിട്ടുണ്ടെന്ന് ഉറപ്പു നൽകാൻ നിർമാതാവു ബാധ്യസ്ഥൻ.

∙ കുട്ടിയുടെ മാനസിക, ശാരീരികാരോഗ്യം ഉറപ്പാക്കണം. പോഷകസമ്പുഷ്ടമായ ഭക്ഷണവും വൃത്തിയും വെടിപ്പുമുള്ള താമസസൗകര്യവും നൽകണം.

∙ വിദ്യാഭ്യാസാവകാശം സംരക്ഷിക്കുന്നുവെന്ന് ഉറപ്പുവരുത്തണം. 27 ദിവസത്തിൽ കൂടുതൽ തുടർച്ചയായി ജോലി ചെ‌യ്യിപ്പിക്കരുത്. കുട്ടിയുടെ പഠനം മുടങ്ങുന്നില്ലെന്നും ഉറപ്പാക്കണം.

∙ അഞ്ചു കുട്ടികളുടെ സംരക്ഷണച്ചുമതലയിൽ ഒരാളെ നിയോഗിക്കണം.

∙ പ്രതിഫലത്തിന്റെ 20 ശതമാനമെങ്കിലും, പ്രായപൂർത്തിയാകുമ്പോൾ ലഭിക്കുംവിധം, ദേശസാൽക്കൃത ബാങ്കിൽ കുട്ടിയുടെ പേരിലുള്ള അക്കൗണ്ടിൽ നിക്ഷേപിക്കണം. 

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.