‘കുഞ്ഞ് അമല, പപ്പയെ ഒരുപാട് മിസ് ചെയ്യുന്നു’
Mail This Article
അച്ഛന് ഹൃദയസ്പര്ശിയായ ജന്മദിന കുറിപ്പ് എഴുതി നടി അമലാ പോള്. എവിടെയായിരുന്നാലും സന്തോഷത്തോടെയും സമാധാനത്തോടെയും ഉണ്ടാകണമെന്ന് ആശംസിക്കുന്നുവെന്ന് അമലാ പോള് കുറിച്ചു. കഴിഞ്ഞ ജനുവരിയിലാണ് അമലയുടെ പിതാവ് പോള് വര്ഗീസ് (61) മരിക്കുന്നത്.
‘പപ്പ, ഞാനും ജിത്തും ഇന്നത്തെപ്പോലെ ഒരിക്കലും അങ്ങയെ അടുത്ത് അറിഞ്ഞിരുന്നില്ല. പപ്പയുടെ ജന്മദിനത്തില് എനിക്ക് രണ്ട് ആഗ്രഹങ്ങളുണ്ട്. ഒന്ന്, പപ്പ എവിടെയായിരുന്നാലും, ഏത് രൂപത്തിലായിരുന്നാലും സന്തോഷത്തോടെയും സമാധാനത്തോടെയും ഇരിക്കാൻ ഞാനും അമ്മയും ജിത്തുവും ആശംസിക്കുന്നു. രണ്ടാമത്തെ ആഗ്രഹം, ജീവിതപാത മുറിച്ചുകടക്കുമ്പോള് അങ്ങയെ തിരിച്ചറിയാനുള്ള മാര്ഗദര്ശനം നൽകണേയെന്ന്.
കുഞ്ഞ് അമലാ നിങ്ങളെ ഒരുപാട് മിസ് ചെയ്യുന്നു. പപ്പയില്ലാതെ നമ്മുടേത് ഒരു പൂര്ണ കുടുംബമാകില്ല. മിസ് ചെയ്യുന്നു. ജന്മദിന ആശംസകള് പപ്പ.’–അമല കുറിച്ചു.