അച്ഛന്റെ ചിത്രത്തിലെ മികവിന് മകന് പുരസ്കാരം: പ്രിയദർശനും സിദ്ധാർഥിനും ഇത് ഇരട്ടി മധുരം
Mail This Article
×
ഇത്തവണത്തെ ദേശീയ ചലച്ചിത്ര പുരസ്കാരങ്ങൾ സംവിധായകൻ പ്രിയദർശനും മകൻ സിദ്ധാർഥിനും ഇരട്ടി മധുരമുള്ളതായി. പ്രിയൻ സംവിധാനം ചെയ്ത മരക്കാർ അറബിക്കടലിന്റെ സിംഹം മികച്ച ചിത്രത്തിനുള്ള ദേശീയ പുരസ്കാരം നേടിയപ്പോൾ അതേ ചിത്രത്തിലെ സ്പെഷൽ എഫക്ട്സിന് മകൻ സിദ്ധാർഥും ഉപരാഷ്ട്രപതിയുടെ കയ്യിൽ നിന്നും പുരസ്കാരം ഏറ്റ് വാങ്ങി.
മരക്കാറിന്റെ സംവിധായകനായ പ്രിയദർശനും നിർമാതാവ് ആന്റണി പെരുമ്പാവൂരുമാണ് മികച്ച ചിത്രത്തിനുള്ള പുരസ്കാരം സ്വീകരിച്ചത്. പിന്നാലെയാണ് പ്രിയന്റെ മകനും അതേ വേദിയിൽ വച്ച് തന്നെ പുരസ്കാരം വാങ്ങിയത്. മികച്ച വസ്ത്രാലങ്കാരത്തിനുള്ള പുരസ്കാരനേട്ടവും മരക്കാറിനാണ്. ഒരേ സിനിമയ്ക്ക് അച്ഛനും മകനും പുരസ്കാരം നേടുകയെന്ന അപൂർവത മറ്റുള്ള അവാർഡ് ജേതാക്കൾക്കും കൗതുകകരമായി.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.