ആണും പെണ്ണും ഒരു ബഞ്ചിൽ ഒരുമിച്ചിരിക്കുന്നതിനെ ഫറൂഖ് കൊളേജിൽ വിലക്കിയത് സോഷ്യൽമീഡിയയിൽ വലിയ ചർച്ചയായിരുന്നു. ഈ നിയമത്തിനെതിരെ നിരവധി പ്രതിഷേധ കൂട്ടായ്മകൾ കൊളേജിലും പുറത്തും ഉണ്ടാകുകയും ചെയ്തു.
ഈ വിഷയത്തില് നടൻ ജോയ് മാത്യു ശക്തമായ വിമർശനവുമായി രംഗത്തെത്തിയിരുന്നു. ‘ആണ്കുട്ടികളും പെണ്കുട്ടികളും ഒരു ബഞ്ചിൽ ഒരുമിച്ചിരുന്നാൽ ആകാശം ഇടിഞ്ഞു വീഴുമോ? ’ എന്നാണ് ജോയ് മാത്യു അഭിപ്രായപ്പെട്ടത്. ഇതിന് പിന്നാലെ ഇതേവിഷയത്തിൽ സിനിമാരംഗത്തുനിന്നു മറ്റൊരു ശബ്ദം കൂടി. സംവിധായകൻ ആഷിക് അബുവാണ് ഇതിനെതിരെ രംഗത്തെത്തിയത്.
‘ആണും പെണ്ണും ഒരുമിച്ചിരിക്കുന്നതാണ് പ്രകൃതി ! അതാണ് ശക്തിയും ! അപ്പൊ പ്രകൃതിവിരുദ്ധമല്ലേ ഫറൂഖ് കോളേജ് നിയമങ്ങൾ ? വിലപ്പോവില്ല സർ ! പ്രകൃതി തന്നെ അതിനെ തോല്പ്പിക്കും ! ആഷിക് അബു ഫേസ്ബുക്കിലൂടെ പറയുന്നു.
Disclaimer
ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.