സംവിധായകന് ലിജോ ജോസ് പെല്ലിശേരി വിവാഹിതനായി. തിരുവനന്തപുരം പോങ്ങുമൂട് സ്വദേശിയായ ജയിംസ് എ ജോണിന്റെയും പാന്സി സെബാസ്റ്റ്യന്റേയും മകള് ജാസ്മിനാണ് വധു. ചാലക്കുടി സെന്റ് മേരീസ് പള്ളിയില് വെച്ചായിരുന്നു വിവാഹം.
തിരുവനന്തപുരത്ത് ടെക്സ്റ്റൈല്സ് ഡിസൈനറായി ജോലി നോക്കുകയാണ് ജാസ്മിന്. അന്തരിച്ച ചലച്ചിത്ര നടന് ജോസ് പെല്ലിശേരിയുടേയും ലില്ലി ജോസിന്റെയും മകനാണ് മുരിങ്ങൂര് സ്വദേശിയായ ലിജോ ജോസ് പെല്ലിശേരി.
നായകന്, സിറ്റി ഓഫ് ഗോഡ്, ആമേന്, ഡബിള് ബാരല് തുടങ്ങിയ ചിത്രങ്ങളിലൂടെ ശ്രദ്ധേയനായ യുവസംവിധായകരിൽ ഒരാളാണ് അദ്ദേഹം. നായകന്,സപ്തമശ്രീ തസ്കരാ, ആകാശവാണി എന്നീ സിനിമകളില് ലിജോ അഭിനയിച്ചിട്ടുമുണ്ട്. ജയസൂര്യ ആണ് ലിജോയുടെ പുതിയ ചിത്രത്തിലെ നായകൻ.