Manoramaonline.com no longer supports Internet Explorer 8 or earlier. Please upgrade your browser.  Learn more »

സുരേഷ് ഗോപിയുടെ മകന് വിജയ് ബാബു വില്ലന്‍

gokul-suresh

നവാഗതസംവിധായകര്‍ക്ക് പ്രാധാന്യം നല്‍കി സിനിമകള്‍ നിര്‍മിച്ച് ശ്രദ്ധേയമായ ഫ്രൈഡേ ഫിലിംസ് പുതിയ രണ്ടു ചിത്രങ്ങളുമായി വീണ്ടുമെത്തുന്നു. അടി കപ്പിയാരെ കൂട്ടമണി', 'മുത്തുഗൌ' എന്നിവയാണ് പുതുമുഖ അണിയറപ്രവര്‍ത്തകരെയും, നടന്മാരെയും ഉള്‍പ്പെടുത്തി ഒരുക്കുന്ന ചിത്രങ്ങള്‍.

'അടി കപ്പിയാരെ കൂട്ടമണിയുടെ സംവിധായകന്‍ പുതുമുഖമായ ജോണും, മുത്തുഗൌ-ന്‍റെ സംവിധാനം വിപിന്‍ ദാസും ആണ്. മമ്മൂട്ടിയുടെയും ജയറാമിന്റെയും മക്കള്‍ക്ക് പിന്നാലെ നായകനായി സുരേഷ് ഗോപിയുടെ മകന്‍ ഗോകുല്‍ സുരേഷും മുത്തു ഗൗവിലൂടെ സിനിമയിലേക്കെത്തുന്നു.

gokul-vijay

ചിത്രത്തിന്റെ നിര്‍മാതാവ് കൂടിയായ വിജയ്ബാബുവാണ് വില്ലന്‍. ഒരു പ്രണയചിത്രമാണ് മുത്തുഗൗ. അച്ഛന്‍ ആക്ഷന്‍ ചിത്രങ്ങളിലൂടെയാണ് ശ്രദ്ധേയനായതെങ്കിലും മകന്റെ അരങ്ങേറ്റം ഒരു പ്രണയചിത്രത്തിലൂടെയാണ് എന്നതാണ് പ്രത്യേകത.

ഛായാഗ്രഹണം ഉള്‍പ്പടെ ഈ സിനിമയുടെ പ്രധാന ടെക്‌നീഷ്യന്മാരെല്ലാം പുതുമുഖങ്ങളാണ്. താരനിര്‍ണയം പുരോഗമിക്കുകയാണ്. വിജയ് ബാബുവും, സാന്ദ്ര തോമസും ചേര്‍ന്ന ഫ്രൈഡെ ഫിലിംസാണ് മുത്തുഗൗ നിര്‍മ്മിക്കുന്നത്.

Your Rating:

Disclaimer

ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.