Manoramaonline.com no longer supports Internet Explorer 8 or earlier. Please upgrade your browser.  Learn more »

'ഇവിടെ' ഒരുങ്ങുന്നു; മേയ്ക്കിങ് വിഡിയോ

പൃഥ്വിരാജ്-നിവിന്‍ പോളി എന്നിവരെ പ്രധാനകഥാപാത്രങ്ങളാക്കി ശ്യാമപ്രസാദ് ഒരുക്കുന്ന ഇവിടെ എന്ന ചിത്രത്തിന്റെ മേയ്ക്കിങ് വിഡിയോ പുറത്തിറങ്ങി. ശ്യാമപ്രസാദിന്റെ ആദ്യ കൊമേഴ്സ്യല്‍ ചിത്രമെന്ന പ്രത്യേകതയുമായാണ് ഇവിടെ എന്ന ചിത്രം വരുന്നത്. പൂര്‍ണമായും അമേരിക്കയില്‍ ചിത്രീകരിക്കുന്ന ചിത്രത്തില്‍ പൃഥ്വിരാജ്, നിവിന്‍ പോളി, ഭാവ എന്നിവരാണ് പ്രധാനവേഷങ്ങളിലെത്തുന്നത്. അന്തര്‍ദേശീയ നിലവാരത്തില്‍ ഒരുക്കുന്ന ഈ ക്രൈം ത്രില്ലറില്‍ അഭിനേതാക്കളും മറ്റു അണിയറപ്രവര്‍ത്തകരല്ലൊം വിദേശത്തുനിന്നുള്ളവരാണ്.

Ivide Making Video

അമേരിക്കയിലെ പട്ടണപ്രദേശങ്ങള്‍ പശ്ചാത്തലമാക്കിയൊരുക്കുന്ന ചിത്രം സീരിയല്‍ കില്ലിങിന്റെ കഥയാണ് പറയുന്നത്. അമേരിക്കയിലെ ഐടി മേഖലയിലുള്ള ടെക്കികളുടെ കൊലപാതകമാണ് പ്രമേയം. ഇതിന്റെ ചുരുളഴിക്കാന്‍ വരുന്ന ഇന്ത്യന്‍ വംശജനും അറ്റ്ലാന്റ പൊലീസ് വിഭാഗത്തിലെ ഉദ്യോഗസ്ഥനുമായി പൃഥ്വിരാജ് എത്തുന്നു. ചിത്രത്തിന് തിരക്കഥ ഒരുക്കുന്നത് അജയന്‍ വേണുഗോപാലനാണ്. അജു വര്‍ഗീസ്, വൈ.ജി.മഹേന്ദ്ര എന്നിവര്‍ക്കൊപ്പം അമേരിക്കയില്‍ നിന്നുള്ള താരങ്ങളും ഇവിടെയില്‍ അണിനിരക്കും. ചിത്രത്തിന് ക്യാമറ ചലിപ്പിക്കുന്നത് എറിക് ഡിക്സന്‍.

ivide-prithviraj

ഈ അടുത്തകാലത്തിറങ്ങുന്നതില്‍ വച്ച് വന്‍മുതല്‍മുടക്കില്‍ അണിയിച്ചൊരുക്കുന്ന ചിത്രം നിര്‍മിക്കുന്നത് ധാര്‍മിക് ഫിലിം പ്രൊഡക്ഷന്‍സ് ആണ്. ചിത്രത്തിന്റെ പ്രമേയത്തിലും അവതരണശൈലിയിലും മലയാളസിനിമയുടെ അടുത്തൊരു തലമായിരിക്കും ഇവിടെയിലൂടെ കാണാനാകുക.

Your Rating:

Disclaimer

ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.