മോഹന്ലാല് നായകനാകുന്ന പുലിമുരുകന് സിനിമയുടെ ചിത്രീകരണത്തിനിടെ അപകടം. സിനിമയിലെ ഒരു കാർ ചേസ് രംഗം ചിത്രീകരിക്കുന്നതിനിടെയാണ് അപകടമുണ്ടായത്.
സംവിധായകൻ വൈശാഖ് ഈ രംഗത്തിന്റെ നിർദ്ദേശങ്ങൾ കൊടുക്കുകയായിരുന്നു. പെട്ടന്നാണ് കാർ റിവേഴ്സ് എടുത്ത് വൈശാഖിന് നേരെ പാഞ്ഞുവന്നത്. വണ്ടി ഇടിക്കാനായി വന്നതും പെട്ടന്ന് പുറകിലേക്ക് മറിഞ്ഞ് വീണത് വൻഅപകടം ഒഴിവാക്കാനായി. ചിത്രത്തിന്റെ അണിയറപ്രവർത്തകർ ഈ രംഗം ഫേസ്ബുക്കില് പോസ്റ്റ് ചെയ്തിട്ടുണ്ട്.
പ്രഭു ഉള്പ്പടെ മലയാളത്തില് നിന്നും തമിഴില് നിന്നുമായി അറുപതോളം പ്രമുഖ താരങ്ങളാണ് ചിത്രത്തില് അണിനിരക്കുന്നത്. ശിവാജി, അന്യന്, യന്തിരന്, ഐ , ബാഹുബലി എന്നീ ചിത്രങ്ങളുടെയൊക്കെ ആക്ഷന് കൈകാര്യം ചെയ്ത, തെന്നിന്ത്യന് സിനിമയിലെ തന്നെ ഏറ്റവും വിലയേറിയ സ്റ്റണ്ട് കൊറിയോഗ്രാഫറായ പീറ്റര് ഹെയ്ന് ആണ് പുലിമുരുകന്റെ ആക്ഷൻ കൈകാര്യം ചെയ്യുന്നത്.
പോക്കിരിരാജ എന്ന സൂപ്പര്ഹിറ്റ് ചിത്രത്തിന് ശേഷം വൈശാഖും നിര്മാതാവ് ടോമിച്ചന് മുളുപാടവും ഒന്നിക്കുന്നുവെന്ന പ്രത്യേകതയും ചിത്രത്തിനുണ്ട്. ഇരട്ട തിരക്കഥാകൃത്തുക്കളായ ഉദയ്കൃഷ്ണ-സിബി കെ തോമസിലെ ഉദയ് കൃഷ്ണയാണ് തിരക്കഥയൊരുക്കുന്നത്. അദ്ദേഹത്തിന്റെ ആദ്യ സ്വതന്ത്ര തിരക്കഥ കൂടിയാണ് ഇത്. ഗോപീസുന്ദറാണ് സംഗീതം. ഷാജിയാണ് ഛായാഗ്രഹണം. ചിത്രം അടുത്ത വര്ഷം തിയറ്ററുകളിലെത്തും.
Disclaimer
ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.