Manoramaonline.com no longer supports Internet Explorer 8 or earlier. Please upgrade your browser.  Learn more »

ഒപ്പം സിനിമ ആദ്യം കാണുന്നത് രജനീകാന്ത്

oppam-rajinikanth

പ്രിയദർശൻ ഒരുക്കുന്ന ക്രൈം ത്രില്ലർ ചിത്രം ഒപ്പം കാണുവാന്‍ ആരാധകരും സിനിമാപ്രേക്ഷകരും ആകാംക്ഷയോടെയാണ് കാത്തിരിക്കുന്നത്. നമുക്കു മാത്രമല്ല സാക്ഷാൽ രജനീകാന്തിനും ഒപ്പം സിനിമ കാണാൻ അതിതായ ആഗ്രഹമുണ്ട്. ആ ആകാംഷയും ആഗ്രഹവും തിരിച്ചറിഞ്ഞ സംവിധായകൻ പ്രിയദർശൻ രജനീകാന്തിനൊരു സമ്മാനം നൽകി.

ഒപ്പം ഏറ്റവുമാദ്യം കാണുവാനുള്ള അവസരം. െ‌ചന്നൈയിലെ രജനീകാന്തിന്റെ വീട്ടിൽ അതിനുള്ള സജ്ജീകരണങ്ങളെല്ലാം ഒരുക്കുകയാണ് പ്രിയദർശന്‍. രജനീകാന്ത് തന്നെയാണ് ഒപ്പം ആദ്യം കാണണമെന്ന ആഗ്രഹം പ്രിയദർശനോടു പറഞ്ഞതും. ഇന്ന് വൈകിട്ട് രജനിയുടെ വീട്ടിൽ ഒപ്പം സിനിമയുടെ പ്രത്യേക ഷോ നടക്കും.

രജനീകാന്തിനെ വച്ചൊരു സിനിമ ചെയ്യുവാൻ ആഗ്രഹിക്കാത്തവരായി ഏതു സംവിധായകനാണുള്ളത്. അദ്ദേഹത്തിന്റെ ഒരു ഡേറ്റിനായി ഏറെ നാളത്തെ കാത്തിരിപ്പു തന്നെ സംവിധായകർക്കു വേണ്ടിവരും. എന്നാൽ രജനീകാന്ത് അഭിനയിക്കുവാൻ കൊതിക്കുന്നൊരു ചിത്രമുണ്ട്. അത് പ്രിയദർശന്റേതു തന്നെ. രജനീകാന്ത് തന്നെ ഒരുപാട് അഭിമുഖങ്ങളിൽ അക്കാര്യം തുറന്നു പറഞ്ഞിട്ടുമുണ്ട്.

കുറച്ചുനാൾ മുമ്പ് രജനികാന്തിനോട് ഒപ്പം സിനിമയുടെ വിശേഷങ്ങൾ പ്രിയദർശൻ പങ്കുവച്ചിരുന്നു. തന്റെ സിനിമാകരിയറിൽ ഇതുവരെ ചെയ്തതിൽവച്ച് ഏറ്റവും വ്യത്യസ്തമായ ചിത്രമായിരിക്കും ഒപ്പമെന്ന് രജനിയോട് പറയുകയും ചെയ്തു. ഇത് ഉള്ളിൽകണ്ടുകൊണ്ടാണ് നാളുകൾക്ക് മുമ്പേ രജനി പ്രിയനോട് സിനിമയുടെ റിലീസിങ് തിയതിയെക്കുറിച്ച് ചോദിച്ചത്. ചിത്രം റിലീസ് ചെയ്തിട്ടില്ലെന്നറിഞ്ഞ രജനി തന്നെയാണ് ഒപ്പം സിനിമ റിലീസിന് മുന്നേ തനിക്ക് കാണണമെന്ന ആഗ്രഹം പ്രിയനോട് പ്രകടിപ്പിച്ചത്. ഉടൻ തന്നെ അതിനുള്ള എല്ലാ സജ്ജീകരണങ്ങളും പ്രിയൻ ഒരുക്കുകയായിരുന്നു. 

Your Rating: