Manoramaonline.com no longer supports Internet Explorer 8 or earlier. Please upgrade your browser.  Learn more »

അസിന്‍ വിവാഹിതയാകുന്നു; വരന്‍ മൈക്രോമാക്സ് ഉടമ

rahul-asin

ഏഴു വർഷം മുമ്പ് ഗജനിയിൽ അഭിനയിക്കുമ്പോൾ അസിൻ സ്വപ്നത്തിൽ പോലും വിചാരിച്ചു കാണില്ല സിനിമ യാഥാർഥ്യമാകുമെന്ന്. ഏതായാലും സിനിമ നടി അസിന്റെ ജീവിതത്തിൽ യാഥാർത്ഥ്യമായി. യഥാർത്ഥ ജീവിതത്തിലെ സ‍‍ഞ്ജയ് രാമസ്വാമിയെ കണ്ടെത്തിയ സന്തോഷത്തിലാണ് അസിൻ.

മൈക്രോമാക്സ് കമ്പനിയുടെ ഉടമ രാഹുല്‍ ശർമ്മയാണ് സിനിമാകഥ പോലെ അസിന്റെ ജീവിതത്തിലേക്ക് കടന്നു വന്നത്. ഇരുവരും പ്രണയത്തിലാണെന്ന് ഗോസിപ്പുകൾ ഉണ്ടായിരുന്നു. ഗോസുപ്പുകൾക്ക് വിരാമമിട്ട് രാഹുലിന്റെ ജീവിതസഖിയാകാൻ പോകുന്ന വിവരം അസിൻ തന്നെ വെളിപ്പെടുത്തുകയായിരുന്നു. വിവാഹം നവംബർ 21ന് നടക്കുമെന്ന് അസിന്റെ പിതാവ് ജോസഫ് തോട്ടുങ്കൽ മനോരമ ന്യൂസിനോടു പറഞ്ഞു. അസിൻ പുതിയ ചിത്രം ആൾ ഈസ് വെല്ലിന്റെ പ്രചരണാർഥം ഡൽഹിയിലാണ് ഇപ്പോഴുള്ളത്. ഏറ്റെടുത്ത കരാറുകളെല്ലാം പൂർത്തിയാക്കുന്ന തിരക്കിലുമാണ് അസിനിപ്പോൾ.

ലോകത്തിലെ തന്നെ പ്രായം കുറഞ്ഞ സമ്പന്നരായ ബിസിനസ്സുകാരിൽ ഒരാളാണ് രാഹുല്‍ ശർമ്മ(36). നടൻ അക്ഷയ്‌കുമാറിന്റെ അടുത്ത സുഹൃത്തുകൂടിയാണ് രാഹുല്‍. അക്ഷയ് തന്നെയാണ് അസിന്റെയും രാഹുലിന്റെയും പ്രണയത്തിന് വഴിയൊരുക്കിയത്.

Your Rating:

Disclaimer

ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.