ശബ്ദമിശ്രണത്തിലൂടെ ഓസ്കാര് വേദിയില് മലയാളത്തിന്റെ അഭിമാനമായി മാറിയ റസൂല് പൂക്കുട്ടി സംവിധായകനാകുന്നു. റസൂലിന്റെ തന്നെ ആരംഭിച്ച നിര്മാണകന്പനിയായ ലെ പെന്റ പ്രൊഡക്ഷനാണ് ആദ്യസംവിധാനസംരംഭം നിര്മിക്കുന്നതും. മലയാളിയാണെങ്കിലും ആദ്യ ചിത്രം ബോളിവുഡിലാണ് പൂക്കുട്ടി ഒരുക്കുന്നത്. മൂന്ന് മാസത്തിനുള്ളില് ചിത്രം ആരംഭിക്കുമെന്നും റസൂല് പറഞ്ഞു.
ആദ്യം നിര്മിക്കുന്ന ചിത്രം ബോളിവുഡ് ആണെങ്കിലും പ്രാദേശിക സിനിമകള്ക്കും പ്രാധാന്യം കൊടുക്കുമെന്നും മലയാളത്തിന്റെ മെഗാസ്റ്റാര് മമ്മൂട്ടി ആയിരിക്കും മലയാളത്തില് സംവിധാനം ചെയ്യുന്ന ചിത്രത്തില് നായകനെന്നും റസൂല് പൂക്കുട്ടി പറഞ്ഞു. സംവിധായകന്, നിര്മാതാവ്, സൗണ്ട് എഞ്ചിനിയര് എന്നിങ്ങനെ ട്രിപ്പിള് റോള് ആയിരിക്കും ചിത്രത്തില് കൈകാര്യം ചെയ്യുന്നതെന്നും അദ്ദേഹം പറഞ്ഞു.
റിലയന്സ് എന്റര്ടെയ്ന്മെന്റിന്റെ മുന്ചീഫ് മഹേഷ് രാമനാഥ്, കുമാര് ഭാസ്കര്, കുല്ദീപ് സിങ് റാത്തോര്, ഗിരീഷ് രാഘവന് എന്നിവരാണ് ലെ പെന്റ പ്രൊഡക്ഷന്റെ മറ്റു പാര്ട്ണേര്സ്.
Disclaimer
ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.