Manoramaonline.com no longer supports Internet Explorer 8 or earlier. Please upgrade your browser.  Learn more »

വേട്ട തുടങ്ങി

vettah-manju

ട്രാഫിക്ക്, മിലി എന്നീ ഹിറ്റ് സിനിമകൾക്ക് ശേഷം രാജേഷ് പിള്ള ഒരുക്കുന്ന ‘വേട്ട’യുടെ ഷൂട്ടിങ് കൊച്ചിയിൽ ആരംഭിച്ചു. റെഡ് റോസ് ക്രിയേഷൻസിന്റെ ബാനറിൽ ഹനീഫ് മുഹമ്മദും രാജേഷ് പിള്ള ഫിലിംസും ചേർന്ന് നിർമിക്കുന്ന ചിത്രത്തിൽ കുഞ്ചാക്കോ ബോബൻ, മഞ്ജുവാര്യർ, ഇന്ദ്രജിത്ത് എന്നിവർക്കൊപ്പം കാതൽ സന്ധ്യയും പ്രധാനവേഷത്തിലെത്തുന്നു. ട്രാഫിക്കിലെ പോലെ തന്നെ ശക്തമായ കഥാപാത്രമായിരിക്കും ഈ ചിത്രത്തിലും കാതൽ സന്ധ്യയുടേത്.

സൈലെക്സ് എബ്രഹാം എന്ന പോലീസ് അസിസ്റ്റന്റ് കമ്മീഷണറുടെ കഥാപാത്രമാണ് ഇന്ദ്രജിത്തിന്റേത്. കമ്മീഷണർ ശ്രീബാലയായി മഞ്ജു എത്തുമ്പോൾ മെൽവിൻ എന്ന കഥാപാത്രമായി ചാക്കോച്ചനും എത്തുന്നു. അരുൺലാൽ രാമചന്ദ്രൻ കഥയും തിരക്കഥയും നിർവഹിക്കുന്ന ചിത്രത്തിൽ വിജയരാഘവൻ, പ്രേം പ്രകാശ് തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു. ഇവരെ കൂടാതെ പ്രധാന കഥാപാത്രമായി മറ്റൊരു നായിക കൂടി ചിത്രത്തിൽ ഉണ്ട്. ഛായാഗ്രഹണം നിർവഹിക്കുന്നത് അനീഷ് ലാൽ ആണ്. സംഗീതം ഷാൻ റഹ്മാൻ.

3 ആളുകളുടെ ജീവിതത്തിന്റെ കഥ പറയുന്ന ചിത്രം മലയാളത്തിലെ ആദ്യത്തെ ‘മൈൻഡ് ഗെയിം മൂവീ’ ആയിരിക്കുമെന്ന് സംവിധായകൻ രാജേഷ് പിള്ള മനോരമ ഒാൺലൈനോട് പറഞ്ഞു. എക്സ്ക്യൂട്ടീവ് പ്രൊഡ്യൂസേഴ്സ്: രാജേഷ് പിള്ള, സൂരജ് ഫിലിപ്പ്. ചിത്രസംയോജനം-അഭിലാഷ്. ചീഫ് അസോഷ്യേറ്റ് ഡയറ്കടര്‍-മനു അശോകന്‍, കോസ്റ്റ്യൂം ശ്രേയ അരവിന്ദ്. ആർട്ട് ഡയറക്ഷൻ: സിറിൾ കുരുവിള. പ്രൊഡക്ഷൻ കൺട്രാളർ: ജിത്തു പിരപ്പൻകോട്.

Your Rating:

Disclaimer

ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.