ദിലീപിന്റെ ഏറ്റവും പുതിയ റിലീസ് രാമലീലയുടെ പുതിയ പോസ്ററർ ഞായറാഴ്ച വൈകിട്ട് പുറത്തുവിട്ടു. നായകൻ ദിലീപ് ബലി കർമ്മം നിർവഹിക്കുന്ന ചിത്രമുള്ള പുതിയ പോസ്റ്റര് കണ്ട് ഞെട്ടിയിരിക്കുകയാണ് ആരാധകരും വിമര്ശകരും. നവാഗതനായ അരുണ് ഗോപി സംവിധാനം ചെയ്യുന്ന ചിത്രം 28നാണ് റിലീസ് ചെയ്യാനിരിക്കെ ചിത്രത്തിനെതിരെ നിരവധി വിമർശനങ്ങളും സോഷ്യൽമീഡിയയിൽ സജീവമാണ്. എന്നാൽ ഇപ്പോൾ പുറത്തിറങ്ങിയ പോസ്റ്റർ അണിയറപ്രവർത്തകരുടെ സൈക്കോളജിക്കൽ മൂവ് ആണ് എന്നാണ് വിമർശകർ പറയുന്നത്.
പുതിയ പോസ്റ്റര് കണ്ട് ആരാധകരും വിമര്ശകരും ഒരുപോലെ ഞെട്ടാന് കാരണമുണ്ട്. ദിലീപിന്റെ ജീവിതത്തിൽ രണ്ടു ആഴ്ചയ്ക്കു മുൻപ് നടന്ന ഒരു സംഭവം തന്നെ എന്നു തോന്നും ഇത്. അച്ഛന് ബലി കര്മ്മം നിര്വഹിക്കാൻ ദിലീപ് വീട്ടിൽ എത്തിയിരുന്നു. റിമാന്ഡില് കഴിയുന്ന ദിലീപിന് രണ്ട് ആഴ്ച മുന്പ് അച്ഛന്റെ ശ്രാദ്ധ കര്മ്മത്തില് പങ്കെടുക്കാൻ കോടതി രണ്ട് മണിക്കൂര് അനുവദിക്കുകയായിരുന്നു. ബലികർമ്മത്തിന്റെ ചിത്രങ്ങളും വാർത്തകളും സോഷ്യൽ മീഡിയയിൽ നിറഞ്ഞു നിന്നു.
ദിലീപിന്റെ അറസ്റ്റിനു ശേഷമിറങ്ങിയ ടീസറിലും ഓഡിയോയിലും ദിലീപിന്റെ ഇപ്പോഴത്തെ അവസ്ഥകള് വ്യക്തമായി കാണിക്കുന്നുണ്ടെന്നാണ് ഉയര്ന്നു വരുന്ന ആരോപണം. രാമനുണ്ണിയുടെ രാഷ്ട്രീയ പ്രവര്ത്തനവും കുടുംബജീവിതവുമാണ് ചിത്രത്തിന്റെ പ്രമേയം. ഇതെങ്ങനെ സാധ്യമാകുമെന്നാണ് ആരാധകര് ചോദിക്കുന്നത്. . അതേസമയം മോഹന്ലാല് നായകനായ ഹിറ്റ് ചിത്രം പുലിമുരുകന് ശേഷം ടോമിച്ചന് മുളകുപാടം നിര്മ്മിക്കുന്ന ചിത്രമായ രാമലീലയുടെ പ്രദർശനത്തിന് സംരക്ഷണം ആവശ്യപ്പെട്ട് കൊണ്ട് ഹർജി വരെ നൽകിയിരിക്കുകയാണ്. ഏതായാലും സെപ്തംബര് 28 ദിലീപിന് നിര്ണായകമായ ദിവസം തന്നെ എന്നതാണ് സത്യം.