അങ്കമാലി ഡയറീസിന് ശേഷം ലിജോ ജോസ് പെല്ലിശ്ശേരി ഒരുക്കുന്ന പുതിയ ചിത്രം ഈ.മ.യൗ ട്രെയിലർ പുറത്തിറങ്ങി. ആഷിക്ക് അബു ആണ് തന്റെ ഔദ്യോഗിക പേജിലൂടെ ട്രെയിലർ പുറത്തിറക്കിയത്.
Ee.Ma.Yau Movie Official Trailer #2 HD | Vinayakan | Chemban Vinod | Dileesh Pothen | Pauly valsan
ഈശോ മറിയം യൗസേപ്പ് എന്നതിന്റെ ചുരുക്കപ്പേരാണ് ഈ.മ. യൗ. വിനായകന്‍, ചെമ്പന്‍ വിനോദ് ജോസ്, ദിലീഷ് പോത്തന്‍ എന്നിവരാണ് കേന്ദ്രകഥാപാത്രങ്ങള്‍. വെറും 18 ദിവസം കൊണ്ടാണ് ലിജോ ജോസ് സിനിമയുടെ ഷൂട്ടിങ് തീർത്തത്. കൊച്ചിയായിരുന്നു പ്രധാനലൊക്കേഷൻ.
സമുദ്ര തീരനഗരമായ കൊച്ചിയിലൂടെ കടന്നുപോയ പോർച്ചുഗീസ്, ഡച്ച്, ബ്രിട്ടീഷ് അധിനിവേശങ്ങൾ ശേഷിപ്പിച്ച സാംസ്കാരികമായ അടിമണ്ണിൽ നിന്നു ഊറിക്കൂടിയതാണ് ‘ഈമയൗ’വിന്റെ സിനിമയുടെ പ്രമേയപരിസരം.
ഷൈജു ഖാലിദാണ് ഛായാഗ്രാഹകൻ. പി എഫ് മാത്യൂസ് രചന നിർവഹിക്കുന്നു. സംഗീതം പ്രശാന്ത് പിള്ള. മെയ് നാലിന് ചിത്രം തിയറ്ററുകളിലെത്തും.
×
