ഓൺലൈനിലും പുറത്തും ദുൽഖർ ചിത്രം ചാർലിയുടെ ട്രെയിലറാണ് സംസാരവിഷയം. യൂട്യൂബിൽ അപ്‌ലോഡ് ചെയ്ത ട്രെയിലർ ഇതുവരെ കണ്ടിരിക്കുന്നത് മൂന്നുലക്ഷം ആളുകളാണ്. മലയാളസിനിമയിൽ ഒരു ട്രെയിലറിന് ലഭിക്കുന്ന ഏറ്റവും മികച്ച സ്വീകാര്യതയും ചാർലിക്ക് തന്നെ.
Charlie Malayalam Movie Official Trailer HD | Dulquer Salmaan
മാർട്ടിൻ പ്രക്കാട്ട് സംവിധാനം ചെയ്യുന്ന ചിത്രം ഒരു മ്യൂസിക്കൽ ലവ് സ്റ്റോറിയാണ്. എന്നിരുന്നാലും ട്രെയിലറിലും കുറച്ച് സസ്പൻസ് നിലനിർത്തിയാണ് അവസാനിപ്പിക്കുന്നത്. ചിത്രത്തിൽ മമ്മൂട്ടി അതിഥിവേഷത്തിലെത്തുന്നുവെന്ന് പലയിടത്തും വാർത്തകൾ വന്നിരുന്നു.
ട്രെയിലറിൽ കാണിക്കുന്ന ആ അറുപത്തിയാറാം മുറിയിൽ ആരായിരിക്കുമെന്നാണ് ഇപ്പോൾ ആരാധകരുടെ സംശയം. ചിലർ അത് മമ്മൂട്ടിയാണെന്ന് പറയുന്പോൾ മമ്മൂട്ടിയല്ല, പൃഥ്വിരാജാണെന്ന് മറ്റുചിലര്‍.
എന്തായാലും ഈ അടുത്തിടെ മറ്റൊരു മലയാളചിത്രത്തിനും ലഭിക്കാത്ത സ്വീകാര്യതയാണ് ഈ ദുൽഖർ ചിത്രത്തിന് ലഭിച്ചിരിക്കുന്നത്.
നിങ്ങൾ പറയൂ: 66-ാം നമ്പര്‍ മുറിയില്‍ ആരായിരിക്കും ?
