2എം സിനിമാസിന്റെ ബാനറിൽ മലയാളിയായ കെ.വി ശബരീഷ്‌ തമിഴിലും,തെലുങ്കിലുമായി നിർമ്മിക്കുന്ന "കാ വിയൻ " അമേരിക്കയിലെ ലാസ്‌ വെഗാസിൽ ചിത്രീകരണം ആരംഭിച്ചു. തമിഴ്താരം ശ്യാം ആണ് നായകൻ.മനം കൊത്തി പാര്‍വെ എന്ന ചിത്രത്തിലൂടെ ശ്രദ്ധേയയായ ആത്മീയയാണ് ചിത്രത്തിൽ നായികയായി എത്തുന്നത്.
പൂർണ്ണമായും അമേരിക്കയിൽ നിർമിക്കുന്ന ചിത്രമാണിത്‌. നവാഗതനായ പാർത്ഥസാരഥിയാണു രചനയും സംവിധാനവും. ഹോളിവുഡ് താരം ജസ്റ്റിൻ അലക്സ്‌ പ്രതിനായകവേഷം ചെയ്യുന്നു.
എൻ എസ്‌ രാജേഷ്കുമാർ ക്യാമറയും,ശ്യാം മോഹൻ സംഗീതവും,സ്റ്റണ്ട്‌ ശിവ സംഘട്ടനസംവിധാനവും നിർവ്വഹിക്കുന്നു. റോഡ് മൂവി ത്രില്ലർ ഗണത്തിൽപ്പെടുന്ന ചിത്രമായിരിക്കും കാവിയൻ.
×
