Manoramaonline.com no longer supports Internet Explorer 8 or earlier. Please upgrade your browser.  Learn more »

ഫഹദിന്റെ അക്കരകാഴ്ചകളുമായി ‘മൺസൂൺ മാംഗോസ്’

mansoon-mangoes-poster

ഫഹദ് ഫാസിൽ നായകനായി എത്തുന്ന മൺസൂൺ മാംഗോസിന്റെ ഫസ്റ്റ്ലുക്ക് പോസ്റ്റർ പുറത്തിറങ്ങി. മലയാളത്തിലെ ഏറെ ശ്രദ്ധിക്കപ്പെട്ട ടെലിവിഷന്‍ പരമ്പര 'അക്കരക്കാഴ്ചകളു'ടെ സംവിധായകന്‍ എബി വര്‍ഗീസ് ആദ്യമായി ഒരുക്കുന്ന ചിത്രം കൂടിയാണിത്.

അമേരിക്കന്‍ മലയാളികളുടെ ജീവിതം രസകരമായി ചിത്രീകരിച്ച അക്കരക്കാഴ്ചകള്‍ എന്ന പരമ്പര ഏറെ ജനപ്രീതിയാകർഷിച്ചിരുന്നു. പ്രവാസി ജീവിത അനുഭവങ്ങൾ നർമത്തിന്റെ മേന്പൊടിയിൽ അവതരിപ്പിച്ച പരമ്പര ഇപ്പോഴും മലയാളികള്‍ക്ക് പ്രിയപ്പെട്ടതാണ്. പരമ്പരയിലെ അഭിനേതാക്കളായ ജേക്കബ് ഗ്രിഗറി, ജോസ്‌കുട്ടി, സജിനി സക്കറിയ എന്നിവര്‍ പിന്നീട് വെള്ളിത്തിരയിലും തിളങ്ങി.

Akkara Kazhchakal Ep 14

മൺസൂൺ മാംഗോസും അമേരിക്കന്‍ പശ്ചാത്തലത്തിലുള്ള ഒരു കോമഡി ചിത്രമായാണ് ഒരുക്കിയിരിക്കുന്നത്. ചിത്രത്തില്‍ ഒരു അമേരിക്കന്‍ പ്രവാസിയായാണ് ഫഹദ് എത്തുന്നത്. ഐശ്വര്യ മേനോന്‍ എന്ന പുതുമുഖമാണ് നായിക. ബോളിവുഡ് താരം വിജയ് റാസും ഫഹദിനൊപ്പം പ്രധാന റോളിലുണ്ട്.

I Me Myself Josukutty Valiyakallumkal PT 1/2

നന്ദു, അംബിക, ടൊവിനോ തോമസ്, വിനയ് ഫോര്‍ട്ട്, സഞ്ജു ശിവറാം, തമ്പി ആന്റണി, ജേക്കബ് ഗ്രിഗറി തുടങ്ങിയവരടക്കം വന്‍ താരനിര തന്നെ ചിത്രത്തിൽ അണിനിരക്കുന്നു. എ.ബി.സി.ഡി എന്ന സിനിമയ്ക്ക് തിരക്കഥയൊരുക്കിയ നവീന്‍ ഭാസ്‌കറാണ് സംഭാഷണം. എബി വര്‍ഗീസും മഠ് ഗ്രബ്ബും നവീനും ചേർന്ന് തിരക്കഥ ഒരുക്കിയിരിക്കുന്നു. തമ്പി ആന്റണിയാണ് ചിത്രം നിര്‍മിച്ചിരിക്കുന്നത്.

Your Rating:

Disclaimer

ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.