Manoramaonline.com no longer supports Internet Explorer 8 or earlier. Please upgrade your browser.  Learn more »

ഒഴിവുദിവസത്തെ കളി ഒരു റിയല്‍ സിനിമ

promo

കഴിഞ്ഞ സംസ്ഥാന അവാര്‍ഡില്‍ ഏറ്റവും മികച്ച സിനിമയ്ക്കുള്ള പുരസ്‌കാരം നേടിയ ചിത്രമാണ് സനല്‍കുമാര്‍ ശശിധരന്റെ 'ഒഴിവുദിവസത്തെ കളി'. ചിത്രം ജൂണ്‍ 17 ന് തിയറ്ററുകളിലെത്തുകയാണ്. ചിത്രത്തിന്റെ വ്യത്യസ്തമായ ടീസർ പുറത്തിറങ്ങി. റിയല്‍ സിനിമ എന്ന ലേബലിലാണ് ചിത്രത്തിന്റെ അണിയറപ്രവർത്തകർ സിനിമ റിലീസിന് മുന്നോടിയായി പ്രേക്ഷകർക്കായി പറഞ്ഞുവക്കുന്നത്.

A different promo for a different movie!

ചിത്രത്തിന്റെ പിന്നണിയില്‍ പണിയെടുത്ത ആര്‍ട്ടിഫിഷ്യല്‍ റെയിന്‍ ആര്‍ട്ടിസ്റ്റിന്റെ ചിത്രീകരണാനുഭവം പങ്കുവയ്ക്കുന്നതാണ് ടീസറിലൂടെ വിശദീകരിക്കുനുന്നത്. ഉണ്ണി ആറിന്റെ ഇതേ പേരിലുള്ള കഥയെ ആസ്പദമാക്കി ഒരുക്കിയ സിനിമയ്ക്ക് തിരക്കഥയൊരുക്കിയത് സംവിധായകന്‍ തന്നെയാണ്.

അരുവിക്കര ഉപതെരഞ്ഞെടുപ്പ് ദിവസം ചെറുപ്പക്കാരായ ഒറുകൂട്ടം സുഹൃത്തുക്കള്‍ വനത്തിലേക്ക് നടത്തുന്ന ഉല്ലാസയാത്രയാണ് ചിത്രത്തിന്റെ പ്രമേയം. തങ്ങളുടെ സൗഹൃദ നിമിഷങ്ങളെ ആഘോഷമാക്കിമാറ്റിയ സുഹൃത്തുക്കള്‍ മദ്യലഹരിയിലാകുകയും പല പ്രശ്‌നങ്ങള്‍ അവരില്‍ ഉടലെടുക്കുകയും ചെയ്യുന്നു. ഇത് അവസാനം കൂട്ടത്തില്‍ ഒരാളുടെ മരണത്തിനിടയാക്കുന്നു. ഇതേതുടർന്നുണ്ടാകുന്ന സംഭവവികാസങ്ങളാണ് ചിത്രം പറയുന്നത്.

Your Rating: