Manoramaonline.com no longer supports Internet Explorer 8 or earlier. Please upgrade your browser.  Learn more »

ബോബി സിംഹ വിവാഹിതനാകുന്നു ?

reshmi-boby

തമിഴകത്തെ യുവനടന്മാരില്‍ ശ്രദ്ധേയനായ ബോബി സിംഹ വിവാഹിതനാകുന്നുവെന്ന് കോളിവുഡില്‍ വാര്‍ത്തപരക്കുന്നു. അല്‍ഫോന്‍സിന്‍റെ നേരം, ഒരു വടക്കന്‍ സെല്‍ഫി തുടങ്ങിയ ചിത്രങ്ങളിലൂടെ മലയാളികള്‍ക്കും സുപരിചിതനാണ് വട്ടി രാജയെന്ന ബോബിയെ.

ഉറുമീന്‍ എന്ന തമിഴ് സിനിമയില്‍ ബോബി സിംഹയുടെ നായികയായിരുന്ന രശ്മി മേനോനാണ് സിംഹയുടെ വധു എന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. ഉറുമീന്റെ സെറ്റില്‍ വെച്ചാണ് ഇരുവരും പ്രണയത്തിലായതെന്നും അടുത്ത വര്‍ഷം ജനുവരിയിലാണ് ഇവരുടെ വിവാഹമെന്നാണ് കോളിവുഡ് മാധ്യമങ്ങള്‍ റിപ്പോര്‍ട്ട് ചെയ്യുന്നു.

ഇരുവരുടെയും കുടുംബാംഗങ്ങള്‍ തമ്മില്‍ സംസാരിച്ചെന്നും മാതാപിതാക്കള്‍ക്കും വിവാഹത്തിന് സമ്മതമാണെന്നും പറയുന്നു. എന്നാല്‍, വിവാഹ വാര്‍ത്തയെക്കുറിച്ച് ഇരുവരും ഇതുവരെ പ്രതികരിച്ചിട്ടില്ല. ബോബിയും രശ്മിയും ഒന്നിച്ചെത്തുന്ന ഉറുമീന്‍ റിലീസിനൊരുങ്ങുകയാണ്.

Your Rating:

Disclaimer

ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.