Manoramaonline.com no longer supports Internet Explorer 8 or earlier. Please upgrade your browser.  Learn more »

മഡോണ-വിജയ് ചിത്രം; ടീസർ

madonna-tamil

ഗായികയും നാ‌യികയുമായ മഡോണ അഭിനയിക്കുന്ന ആദ്യ തമിഴ് ചിത്രം കാതലും കടന്തു പോഗുമിന്റെ ടീസർ പുറത്തിറങ്ങി. വിജയ് സേതുപതിയും സമുദ്രക്കനിയുമാണ് ചിത്രത്തിലുള്ള പ്രമുഖ താരങ്ങൾ. വിജയ് സേതുപതിയുടെ നായികാ വേഷം മഡോണയുടെ കരിയറിലെ വ്യത്യസ്തമായ വേഷങ്ങളിലൊന്നു തന്നെയാകും.

Kadhalum Kadanthu Pogum Official Teaser

സൂതുകാവും എന്ന ചിത്രത്തിലൂടെ തമിഴിലെ സൂപ്പർ ഹിറ്റ് സംവിധായകനായി മാറിയ നളൻ കുമാരസ്വാമിയാണ് കാതലും കടന്തു പോകുമിന്റെ സംവിധായകൻ. സ്റ്റുഡിയോ ഗ്രീന്‍, തിരുകുമരന്‍ എന്റര്‍ടെയിന്‍മെന്റും ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. സന്തോഷ് നാരായണനാണ് ചിത്രത്തിന് സംഗീതമൊരുക്കുന്നത്.

പ്രേമമെന്ന ചിത്രത്തിലെ സെലിൻ എന്ന കഥാപാത്രമാണ് മഡോണ സെബാസ്റ്റ്യനെ മലയാളികളുടെ ഇഷ്ടതാരമാക്കിയത്. പ്രേമത്തിനു ശേഷം മഡോണയെ തേടി വമ്പൻ അവസരങ്ങളും വന്നു ചേർന്നു. അടുത്തിടെ മഡോണ പാടിയഭിനയിച്ച വെറുതെയെന്ന മ്യൂസിക്കൽ ആൽബവും ശ്രദ്ധ നേടിയിരുന്നു.

സുമേഷ് ലാൽ സംവിധാനം ചെയ്യുന്ന ഹ്യൂമൻസ് ഓഫ് സംവൺ എന്ന ചിത്രത്തിലൂടെ ഇംഗ്ലീഷിലും അരങ്ങേറ്റത്തിനൊരുങ്ങുകയാണ് മഡോണയിപ്പോൾ. സിദ്ദിഖ്-ലാലിന്റെ ദിലീപ് ചിത്രമായ കിങ് ലിയറാണ് മഡോണ അഭിനയിച്ചുകൊണ്ടിരിക്കുന്ന മലയാള ചിത്രം.

Your Rating:

Disclaimer

ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.