വീരം, വേതാളം എന്നീ ചിത്രങ്ങൾക്ക് ശേഷം അജിത്തും ശിവയും വീണ്ടുമൊന്നിക്കുന്ന പുതിയ സിനിമയുടെ ചിത്രീകരണം ആരംഭിച്ചു. തലയുടെ 57ാം ചിത്രമാണിത്. ഓസ്ട്രിയ ആണ് പ്രധാനലൊക്കേഷൻ.
ചിത്രത്തിൽ ഇന്റർപോൾ ഓഫീസറിന്റെ വേഷത്തിലാണ് അജിത് അഭിനയിക്കുന്നത്. കാജൽ അഗർവാൾ ആണ് നായിക. അക്ഷരാ ഹാസൻ മറ്റൊരു പ്രധാനവേഷത്തിലെത്തുന്നു. സത്യ ജ്യോതി ഫിലിംസാണ് ചിത്രം നിര്മ്മിക്കുന്നത്. അനിരുദ്ധ് ചിത്രത്തിന്റെ സംഗീത സംവിധാനം നിര്വ്വഹിക്കും. വെട്രിയാണ് ഛായാഗ്രാഹണം.