Manoramaonline.com no longer supports Internet Explorer 8 or earlier. Please upgrade your browser.  Learn more »

തനു വെഡ്സ് മനു റിട്ടേൺസിലെ ആദ്യ ഗാനം

Tanu Weds Manu Returns film song

ആർ മാധവനും കങ്കണ റൗനത്തും പ്രധാന വേഷങ്ങളിലെത്തി സൂപ്പർ ഹിറ്റായി മാറിയ ചിത്രമാണ് തനു വെഡ്സ് മനു. ചെറിയ ബജറ്റിൽ നിന്നുകൊണ്ട് വലിയ വിജയം സ്വന്തമാക്കിയ ചിത്രം നിരൂപക ശ്രദ്ധ നേടിയിരുന്നു. 2011 ൽ പുറത്തിറങ്ങിയ ചിത്രത്തിന്റെ രണ്ടാം ഭാഗമെത്തുകയാണ്. തനുവിന്റെയും മനുവിന്റെയും വിവാഹ ശേഷമുള്ള ജീവിതം കാണിക്കുന്ന തനു വെഡ്സ് മനു റിട്ടേൺസിലെ ആദ്യ ഗാനം പുറത്തിറങ്ങി. ബനോ തേരി എന്ന് തുടങ്ങുന്ന ഗാനമാണ് പുറത്തിറങ്ങിയിരിക്കുന്നത്. ബ്രിജേഷ് ഷാൻഡിലിയയും സ്വാതി ശർമ്മയും ചേർന്ന് പാടിയിരിക്കുന്ന ഗാനത്തിന് ഈണം പകർന്നിരിക്കുന്നത് തനിഷ്കും വായുവും ചേർന്നാണ്. വായു ഗാനത്തിന്റെ വരികൾ എഴുതിയിരിക്കുന്നു.

വിവാഹത്തിന് ശേഷം ലണ്ടനിലേയ്ക്ക് പോയ തനുവും മനുവും കുറച്ച് വർഷങ്ങൾക്ക് ശേഷം തിരിച്ചെത്തുന്നതും ഇരുവരുടെ ജീവിതത്തിലെ താളപ്പിഴകളും മനു മറ്റൊരു പെൺകുട്ടിയുമായി പ്രണയത്തിലാകുന്നതുമാണ് ചിത്രത്തിന്റെ ഇതിവൃത്തം. ഹാസ്യത്തിന് പ്രാധാന്യം നൽകി ഒരുക്കിയിരിക്കുന്ന ചിത്രം സംവിധാനം ചെയ്യുന്നത് ആനന്ദ് എൽ റായാണ്. ധനുഷിന്റെ ആദ്യ ഹിന്ദി ചിത്രം രഞ്ചാനയ്ക്ക് ശേഷം ആനന്ദ് സംവിധാനം ചെയ്യുന്ന ചിത്രമാണ് തനു വെഡ്സ് മനു റിട്ടേൺസ്. കങ്കണ റൗനത്ത് ഇരട്ട വേഷത്തിലാണ് ചിത്രത്തിലെത്തുന്നത്. ഹിമാൻഷു ശർമ്മയാണ് ചിത്രത്തിന്റെ കഥയും തിരക്കഥയും എഴുതിയിരിക്കുന്നത്.

ബനോ തേരി...

കങ്കണ റൗനത്തിനേയും ആർ മാധവനേയും കൂടാതെ ജിമ്മി ഷേർഗിൽ, ദീപക് ദോബ്രിയാൽ, സ്വാരാ ഭാസ്കർ, മുഹമ്മദ് അയൂബ്, നവനി പരിഹർ, കെ കെ റെയ്ന തുടങ്ങിയവരും അഭിനയിക്കുന്നുണ്ട്. കളർ യെല്ലോ പിക്ച്ചേഴ്സിന്റെ ബാനറിൽ കിഷോർ ലുല്ലയും ആനന്ദ് എസ് റായ്യും ചേർന്ന് നിർമ്മിക്കുന്ന ചിത്രം മെയ് 22 ന് തിയറ്ററിലെത്തും.

Your Rating:

Disclaimer

ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.