Manoramaonline.com no longer supports Internet Explorer 8 or earlier. Please upgrade your browser.  Learn more »

കിടിലൻ ഡാൻസുമായി ഡാൻസ് കാ ലെജെന്റ്

Dance Ke Legend

സുനിൽ ഷെട്ടിയുടെ മകൾ അദിയ ഷെട്ടിയും സൂരജ് പഞ്ചോലിയും നായികനായകൻമാരാക്കി സൽമാൻഖാൻ നിർമ്മിക്കുന്ന ചിത്രം ഹീറോയിലെ ഡാൻസ് കാ ലെജെന്റ് എന്ന ഗാനം പുറത്തിറങ്ങി. അദിയ ഷെട്ടിയുടേയും സൂരജ് പഞ്ചോലിയുടേയും കിടിലൻ ഡാൻസുമായി എത്തിയിരിക്കുന്ന ഗാനം ആലപിച്ചിരിക്കുന്നത് മീറ്റ് ബ്രോസ് അഞ്ചാനും ഭൂമി ത്രിവേദിയും ചേർന്നാണ്. കുമാറിന്റെ വരികൾക്ക് മീറ്റ് ബ്രോസ് അഞ്ചാൻ ഈണം പകർന്നിരിക്കുന്നു. നേരത്തെ ചിത്രത്തിന് വേണ്ടി സൽമാൻഖാൻ പാടിയ ഗാനം പുറത്തിറങ്ങിയിരുന്നു. കിക്കിലെ ഹാങ്ഓവർ എന്ന ഗാനത്തിന് ശേഷം സൽമാൻ ഖാൻ പാടിയ ഗാനം മേ ഹു ഹീറോ തേര എന്ന ഗാനം സൂപ്പർഹിറ്റായിരുന്നു. യൂട്യൂബ് ഇന്ത്യയുടെ ട്രെൻഡിങ്ങായ ഗാനം ഇതുവരെ 30 ലക്ഷം ആളുകളാണ് കണ്ടിരിക്കുന്നത്.

കൽ ഹോ ന ഹോ, സലാമി ഇഷ്‌ക്, പട്യാലഹൗസ്, ഡെൽഹി സഫാരി, ഡി ഡേ എന്നീ ചിത്രങ്ങളുടെ സംവിധായകൻ നിഖിൽ അദ്വാനി സംവിധാനം ചെയ്യുന്ന ചിത്രമാണ് ഹീറോ. ഹിന്ദി സിനിമ നടൻ ആദിത്യ പഞ്ചോലിയുടെ മകൻ സൂരജ് പഞ്ചോലിയും സുനിൽ ഷെട്ടിയുടെ മകൾ അദിയ ഷെട്ടിയും നായികാനായകൻമാരായി അഭിനയിക്കുന്ന ചിത്രം 1983 ൽ പുറത്തിറങ്ങിയ ഹീറോയെ അടിസ്ഥാനമാക്കിയാണ് നിർമ്മിച്ചിരിക്കുന്നത്. നിഖിൽ അദ്വാനിയും ഉമേഷ് ബിസ്തും ചേർന്നാണ് ചിത്രത്തിന്റെ തിരക്കഥ എഴുതിയിരിക്കുന്നത്. സൂരജിനേയും അദിയയേയും കൂടാതെ ടിഗ്മാൻഷും ദുലിയ, ആദിത്യ പഞ്ചോലി, ശരത് ഖേൽഖർ എന്നിവരും അഭിനയിക്കുന്നുണ്ട്. സൽമാൻ ഖാൻ ഫിലിംസിന്റെ ബാനറിൽ സൽമാൻഖാനും സുഭാഷ് ഗായിയും ചേർന്ന് നിർമ്മിക്കുന്ന ചിത്രം സെപ്റ്റംബറിൽ തീയേറ്ററിലെത്തും.

Your Rating:

Disclaimer

ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.