Manoramaonline.com no longer supports Internet Explorer 8 or earlier. Please upgrade your browser.  Learn more »

ഗോസ്റ്റ് ടൗണുമായി മഡോണ

Ghost Town

അമേരിക്കൻ പോപ്പ് താരം മഡോണയുടെ പുതിയ സിംഗിൾ ഗോസ്റ്റ് ടൗൺ പുറത്തിറങ്ങി. കഴിഞ്ഞ മാസം 13 ന് പുറത്തിറങ്ങിയ ഗാനത്തിന്റെ വിഡിയോയാണ് ഇപ്പോൾ പുറത്തിറങ്ങിയിരിക്കുന്നത്. മഡോണ, ജാസൺ, സീൻ ഡഗ്ലസ്, ഈവൻ ബോഗാർട്ട് തുടങ്ങിയവർ ചേർന്നാണ് ഗാനത്തിന്റെ വരികൾ എഴുതിയിരിക്കുന്നത്. ഉപേക്ഷിക്കപ്പെട്ട നഗരത്തിൽ അലയുന്ന മഡോണയെയാണ് വിഡിയോയിൽ കാണിക്കുന്നത്. മഡോണയെ കൂടാതെ ഹോളീവുഡ് താരം ടെറൻസ് ഹൊവാർഡും ഗാനത്തിന്റെ വിഡിയോയിലുണ്ട്. കഴിഞ്ഞ ദിവസം പുറത്തിറങ്ങിയ വിഡിയോ ഇതുവരെ 12 ലക്ഷം ആളുകളാണ് യൂട്യൂബിലൂടെ മാത്രം കണ്ടിരിക്കുന്നത്.

റിബൽ ഹേർട്ടിലെ സിംഗിളായ ലിവ് ഫോർ ലൗ മഡോണ നേരത്തെ പുറത്തിറക്കിയിരുന്നു. ഹിറ്റായ ഗാനം ഇതുവരെ 1.2 കോടി ആളുകൾ യൂട്യൂബിലൂടെ മാത്രം കണ്ടുകഴിഞ്ഞു. 2012 ൽ പുറത്തിറങ്ങിയ എംഡിഎൻഎക്ക് ശേഷം പുറത്തിറക്കുന്ന ആൽബമാണ് റിബൽ ഹേർട്ട്. ഏറെ നാളത്തെ ഇടവേളയ്ക്ക് ശേഷം താരം പുറത്തിറക്കിയ ആൽബത്തിൽ മികച്ച പ്രതികരണമാണ് ലഭിക്കുന്നത്. പതിനാല് ഗാനങ്ങളുടെ ആൽബത്തിലെ പുറത്തിറങ്ങിയ ഗാനങ്ങളെല്ലാം തന്നെ ഹിറ്റ് ചാർട്ടുകളിൽ ഇടം പിടിച്ചിരുന്നു. റിബൽ ഹാർട്ടിലൂടെ ഏറെ വിവാദങ്ങളും താരം സൃഷ്ടിച്ചിരുന്നു. ആൽബത്തിന്റെ പ്രചരണത്തിനായി മാർട്ടിൻ ലൂഥർ കിംഗ്, നെൽസൺ മണ്ടേല, ബോബ് മാർലി എന്നിവരുടെ ചിത്രങ്ങൾ വികൃതമാക്കി ഇൻസ്റ്റാഗ്രാമിൽ പോസ്റ്റ് ചെയ്തത് വിവാദമായിരുന്നു. റിബൽ ഹാർട്ടിന്റെ കവറുപോലെ തോന്നിക്കുന്ന രീതിയിൽ ഇവരുടെ മുഖം കെട്ടിവരഞ്ഞ നിലയിലാണ് ചിത്രങ്ങൾ പോസ്റ്റ് ചെയ്തത്. പിന്നീട് മഡോണ മാപ്പ് പറഞ്ഞതോടെയായിരുന്നു വിവാദങ്ങൾ കെട്ടടങ്ങിയത്.

ലോകത്തിലെ വനിതാസംഗീതജ്ഞരിൽ ഏറ്റവും പ്രഗത്ഭയായ താരമായ മഡോണ ഗാനരചയിതാവ്, സംഗീത നിർമ്മാതാവ്, നർത്തകി, അഭിനേത്രി, എഴുത്തുകാരി എന്നീ നിലകളിലെല്ലാം പ്രശസ്തയാണ്. തന്റെ ഗാനങ്ങളിൽ രാഷ്ട്രീയ, ലൈംഗിക, മത വിഷയങ്ങൾ ഉപയോഗിച്ച് സാമൂഹിക വിമർശനം നടത്തുന്ന മഡോണ നിരവധി ജീവകാരുണ്യ പ്രവർത്തനങ്ങളും നടത്തുന്നുണ്ട്. 2000ൽ ഏറ്റവും കൂടുതൽ ഗാനങ്ങൾ വിറ്റിട്ടുള്ള വനിതാ താരം എന്ന പേരിൽ ഗിന്നസ് വേൾഡ് റെക്കോഡ്സിൽ കയറിയ മഡോണ ഏകദേശം 300 ദശലക്ഷം ആൽബങ്ങൾ ലോകത്താകെമാനം വിറ്റിട്ടുണ്ട്. ബിൽബോർഡ് മാസിക ലോകത്തെ ഏറ്റവും മികച്ച 100 പോപ്പ് താരങ്ങളെ തിരഞ്ഞെടുത്തപ്പോൾ ബീറ്റിൽസിനു കീഴിൽ രണ്ടാം സ്ഥാനത്തെത്തിയ ഗായികയാണ് മഡോണ.

Your Rating:

Disclaimer

ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.