എം.ജി.രാധാകൃഷ്ണന്റെ ഓർമകളിൽ അദ്ദേഹത്തിന്റെ പത്നി എഴുതിയ ഗാനം പുറത്തിറങ്ങി. അദ്ദേഹത്തിന്റെ പ്രിയ ശിഷ്യ കെ.എസ്.ചിത്രയാണ് പാടിയത്. എം.ജയചന്ദ്രന്റേതാണു സംഗീതം.
നല്ലപാതി മരണത്തിനൊപ്പം പോയാലും ഒരുമിച്ചു ജീവിച്ച നാളുകളിലെ നല്ലോർമകൾ പിന്നീടുള്ള ജീവിതത്തിന് വെളിച്ചമേകും എന്നു പറയുന്നു ഈ പാട്ട്. കോളജ് കാലയളവിൽ തന്നെ കവിതകളെഴുതുമായിരുന്നു പത്മജ. എം.ജി.രാധാകൃഷ്ണന്റെ മരണശേഷവും സാംസ്കാരിക രംഗത്ത് അവർ സജീവവുമായിരുന്നു. മകൻ എം.ആർ രാജകൃഷ്ണനും സംഗീത സംവിധായകനാണ്. മിസ്റ്റർ ബീൻ-ദി ലാഫ് റയറ്റ് എന്ന ചിത്രത്തിൽ എം.ആർ.രാജകൃഷ്ണൻ ഈണമിട്ട നാലു പാട്ടുകളുടെ രചന നിർവഹിച്ചത് പത്മജ രാധാകൃഷ്ണനാണ്.
×
