പ്രേക്ഷകരെ ത്രസിപ്പിച്ച് ഡാൻസ് ചെയ്യുന്ന നടൻമാരിലൊരാളാണ് വിജയ്. പുതിയ ചിത്രം മെർസലിലും അങ്ങനെ തന്നെ. മെർസൽ അരസൻ എന്ന പാട്ടിന്റെ ടീസറിൽ വിജയ്‍യുടെ കിടിലൻ ഡാൻസുണ്ട്. ആൾക്കൂട്ടത്തിനു നടുവിൽ ചടുലമായ പാട്ടിനൊപ്പം ഊർജസ്വലനായി ചുവടുവയ്ക്കുന്നു വിജയ്. എ.ആർ.റഹ്മാൻ ഈണമിട്ട ഈ ഗാനത്തിന്റെ വിഡിയോയ്ക്കായി കാത്തിരിക്കുകയാണ് ആരാധകർ.
വിവേക് എഴുതിയ വരികൾ ജി.വി.പ്രകാശ് കുമാർ, നരേഷ് അയ്യർ, ശരണ്യ ശ്രീനിവാസ്, വിശ്വപ്രസാദ് എന്നിവർ ചേർന്നാണു പാടിയത്. ആറ്റ്ലീ സംവിധാനം ചെയ്ത മെർസലിന് തീയറ്ററുകളിൽ നിന്ന് മികച്ച പ്രതികരണമാണു ലഭിച്ചത്.
×
