Manoramaonline.com no longer supports Internet Explorer 8 or earlier. Please upgrade your browser.  Learn more »

ജഡ്ജിമാർക്കെതിരെ പരാമർശം: വൈരമുത്തുവിന് നോട്ടിസ്

Vairamuthu

ജഡ്ജിമാരെ അപകീർത്തിപ്പെടുത്തുന്ന തരത്തിൽ പരാമർശങ്ങൾ നടത്തിയെന്നാരോപിച്ചുള്ള ഹർജിയിൽ ഗാനരചയിതാവ് വൈരമുത്തുവിനു മദ്രാസ് ഹൈക്കോടതി നോട്ടിസയച്ചു.

ഒരു പൊതുചടങ്ങിൽ പങ്കെടുക്കവേ വൈരമുത്തു ജഡ്ജിമാർക്കെതിരെ പ്രസംഗിച്ചുവെന്നാണു ഹർജിക്കാരനായ മുകുന്ദ്ചന്ദ് ബോത്‌റയുടെ പരാതി. കേന്ദ്രമന്ത്രി പി. ചിദംബരം, ചലച്ചിത്ര താരം രജനീകാന്ത് എന്നിവർ പങ്കെടുത്ത ചടങ്ങിലാണു വൈരമുത്തു വിമർശനം നടത്തിയതെന്നാണ് ആരോപണം. കോടതിയിലുള്ള ജനങ്ങളുടെ വിശ്വാസം ഇല്ലാതാക്കുന്നതാണു വൈരമുത്തുവിന്റെ പരാമർശം.

കോടതിയിലുള്ള ജനങ്ങളുടെ വിശ്വാസം നഷ്ടപ്പെട്ടാൽ അതു നീതിന്യായ വ്യവസ്ഥയെ പ്രതികൂലമായി ബാധിക്കുമെന്നും ഹർജിയിൽ മുകുന്ദ്ചന്ദ് ബോത്‌റ കുറ്റപ്പെടുത്തി. ഹർജി പരിഗണിച്ച ജസ്റ്റിസുമാരായ എസ്.കെ. അഗ്നിഹോത്രി, കെ.കെ. ശശിധരൻ എന്നിവരടങ്ങിയ ബെഞ്ച് നാലാഴ്ചയ്ക്കകം മറുപടി നൽകാൻ ആവശ്യപ്പെട്ടു വൈരമുത്തുവിനു നോട്ടിസയച്ചു.

Your Rating:

Disclaimer

ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.