Manoramaonline.com no longer supports Internet Explorer 8 or earlier. Please upgrade your browser.  Learn more »

കൽപനയുടെ കണ്ണീരോർമയിൽ ചിത്തിരത്തിരയുടെ മേക്കിങ് വിഡിയോ

kalpana-dulqar ക്യൂൻ മേരിക്കൊരുമ്മ....ചാർലിയെന്ന ചിത്രത്തിലെ ഹൃദയകാരിയായ ഒരു രംഗം

ക്യൂൻ മേരിയെ പോലെ അപ്രതീക്ഷിതമായാണ് കൽ‌പനയെന്ന ചിരി നമ്മെ വിട്ടുപോകുന്നത്. ചാര്‍ലിയെന്ന ചിത്രം ഇനി കൽപനയുടെ ഓർമകളുടെ ഏറ്റവും സുന്ദരമായ ഫ്രെയിം കൂടിയാണ്. നടുക്കടലിൽ പാതിരാത്രിയിൽ ചാർലിയുടെ പാട്ടു കേട്ട് അതിശയിച്ചു നിൽക്കുന്ന ക്യൂൻമേരി. ചിത്തിരത്തിരയെന്ന ആ പാട്ട് കൽപനയുടെ ഓർമകളുടെ തിരയുണർത്തുന്നു. പാട്ടിന്റെ തന്നെ വലിയ ആകാംഷയോടെയാണ് പ്രേക്ഷകർ വരവേറ്റത്. പാട്ടിന്റെ മേക്കിങ് വിഡിയോയും എത്തിയിരിക്കുന്നു.

www.manoramaonline.com

നടുക്കടലിൽ മൂന്നു കപ്പലുകളിലായി പാട്ട് ചിത്രീകരിക്കുന്നതും കൽപന ചായമണിയുന്നതുമടക്കമുള്ള ദൃശ്യങ്ങൾ കണ്ണീരണിയിക്കും. നായകനായ ദുൽഖർ തന്നെയാണ് ഈ പാട്ട് പാടിയത്. റഫീഖ് അഹമ്മദിന്റെയാണ് വരികൾ. ഗോപീ സുന്ദറാണ് പാട്ടിന് ഈണമിട്ടത്. ചെമ്പൻ വിനോദും ദുൽഖർ സൽമാനും കൽപനയും ഒരു വൻ‌ സംഘവുമാണ് രംഗങ്ങളിലുള്ളത്.

കണ്‍ചിമ്മുന്ന ഇത്തിരപ്പോന്ന ബൾബുകൾ അലങ്കരിച്ച കുഞ്ഞൻ‌ ബോട്ട് ആടിയുലഞ്ഞ് അകലങ്ങളിലേക്ക് പോകുന്നു കൽപനയുടെ ചിരിയോർമകളിലേക്കെന്നെ പോലെ. മാർട്ടിൻ‌ പ്രക്കാട്ട് സംവിധാനം ചെയ്ത ചാർലിയെന്ന ചിത്രത്തിലാണ് കൽ‌പന ഏറ്റവുമൊടുവിലായി അഭിനയിച്ചത്. ഇക്കഴിഞ്ഞ 25നാണ് കൽപനയെ ഹൈദരാബാദിലെ ഹോട്ടൽ മുറിയിൽ മരിച്ചു കിടക്കുന്നതായി കണ്ടത്.

Your Rating:

Disclaimer

ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.