സിനിമയിൽ ഒരു ഗാനത്തിൽ ഐറ്റം ഡാൻസ് ചെയ്യാൻ ഇല്യാന ഡിക്രൂസിന് ഒന്നര കോടി രൂപ വാഗ്ദാനം ചെയ്തെന്ന് റിപ്പോർട്ട്. റാം ചരൺ തേജയുടെ ചിത്രീകരണം ആരംഭിക്കാനിരിക്കുന്ന ബ്രൂസ് ലീ എന്ന തെലുങ്ക് ചിത്രത്തിലാണ് ഈ മോഹനവാഗ്ദാനം നടിക്ക് ലഭിച്ചിരിക്കുന്നത്. എന്നാൽ ഈ ഓഫറിന് ഇതുവരെ താരം മറുപടി നൽകിയിട്ടില്ല.
നല്ലവേഷങ്ങൾ ചെയ്യാൻ മാത്രമാണ് തനിക്ക് താൽപര്യമെന്നും എന്നാൽ ലഭിക്കുന്നതെല്ലാം അങ്ങനത്തെ ഓഫറുകൾ അല്ലെന്നും നേരത്തെ ഇല്യാന വ്യക്തമാക്കിയിരുന്നു. ഇതിനെതുടർന്ന് തന്റെ കരിയറിന് ഒരു ബ്രേക്ക് കൂടി താരം നൽകിയിരുന്നു. ഇതിനിടെയാണ് താരത്തിൽ ഒരു ഗാനത്തിൽ മാത്രം പ്രത്യക്ഷപ്പെടാൻ വൻ തുക വാഗ്ദാനം ചെയ്തിരിക്കുന്നത്.
ബ്രൂസ് ലി എന്ന വിളിപേരിൽ അറിയപ്പെടുന്ന ഒരു സ്റ്റൻഡ്മാന്റെ വേഷത്തിലാണ് റാം ചരൺ തേജ ചിത്രത്തിലെത്തുന്നത്. ശ്രീനു വൈറ്റ്ല സംവിധാനം ചെയ്യുന്ന ചിത്രത്തിൽ രാകുൾ പ്രീത് സിങും പ്രധാന കഥാപാത്രം ചെയ്യുന്നുണ്ട്. 2012ലാണ് അവസാനമായി ഇല്യാന തെലുങ്ക് ചിത്രത്തിൽ അഭിനയിക്കുന്നത്. തനിക്ക് തെലുങ്കിലേക്ക് മടങ്ങി വരാൻ താൽപര്യമുണ്ടെന്ന് നടി ഈയിടെ വെളിപ്പെടുത്തിയിരുന്നു.
Disclaimer
ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.